二噁烷超標! 7款洗頭水被檢出超歐盟上限

平時用,唔知大家會唔會洗完都覺得痕?如果出現呢個情況,咁大家就要留意用梗果款適唔適合自己喇,根據消費者委員會(消委會)嘅報告,測試咗60款,發現當中38款被檢出(1,4-dioxane),對於過敏肌膚人士,或會出現敏感反應,當中仲包含咗一啲常見嘅品牌,大家記得要留意一下。

消委會搜羅市面合共60款不同型號的,樣本中有38款檢出,含量介乎1.1ppm至24ppm,符合內地《化妝品安全技術規範》2015年版要求的限值30ppm,但當中7款檢出的含量介乎12ppm至24ppm,高於歐盟消費者安全科學委員會(SCCS)建議化妝品的安全水平(10ppm),品牌包括沙宣、潘婷、CLAIROL、ELENCE 2001和海倫仙度絲。雖然被檢出的含量對消費者應唔會構成安全威脅,但若本身有敏感性肌膚,或會受刺激,會有較高機率出現敏感反應。

事實上好多都冇詳細列明成分資料,有時揀嘅時候都難以落手,就以呢種成分為例,大部分產品都唔會列明呢種物質,但如果大家見到成份表上有寫SLES(sodium laureth sulfate)或ammonium laureth sulfate呢兩種表面活性劑(surfactants),其受污染嘅機會較大。使用含有SLS(sodium lauryl sulfate)和SLES後,記得要用清水徹底洗淨殘留在喺皮膚上嘅產品,特別係有敏感膚質嘅人士,否則或會出現繃緊、乾燥嘅感覺。