當你公司有個Control Freak…

嗱嗱嗱!有啲嘢就唔使講到咁明嘅,公司裡面哪個部門最多應該不用多講吧!但如果你話你身邊總有一個喺左近的話,小編亦只能表示萬般同情,因為,當你在一個不正常的地方,正常的你就是不正常。咁結論係?將有機會患上的,只會係你囉!至於事情發展可以有幾Controllable,不如大家一齊分享下啦!

 

Claim車費一毫子都計足

health-body01

香港的交通工具久不久就加車費,又久不久送個八折給大家,填車費稍一不慎真的很易填錯價錢,而「佢」就會非常不辭勞苦地幫你逐日核對,絕不會欠你一毫子!其實人哋都係秉公辦理啫,唔係公司就會多咗好幾蚊Bad Debt呀!咁都嬲豬?你唔啱啦!

 

未飲完唔準換水

health-body02

相信每間公司都總有一些不願換水之人士,但就算你有這個「自願」都是錯,因為仲有兩滴未飲完囉!「佢」話明,要珍惜食水呀!大家知道一桶水要多貴嗎?不知道吧!那就不要Challenge「佢」喇!阻住環保戰士拯救地球,罪該萬死啦你!

 

檯面要一塵不染

health-body03

將公司當作第二個家?妙想天開!就是要規規矩矩,即使係你家陣坐緊果張檯,你都無權按自己方式使用它。「佢」鍾意整齊,你就要整齊,那怕你手上工作再多,執嘢比幾千萬上落來得更重要!不過又咁講,你估「佢」好鍾意隔一個鐘頭就來問候你嗎?係你掛住做嘢唔執嘢咋!所以?你錯囉!

 

 

公司文具點可以唔見

health-body04

都有提供文具給員工使用(你果間唔係冇呀?!),但絕非無限量供應,一支筆未用完就拎第二支,「佢」當然看不過眼啦!要你在眼前展示真的寫不出墨才給你拿第二支筆這個行為,其實都是為免冤枉了你做大嘥鬼,為你著想而已,你唔係嬲呀嘛?

 

放飯時間冇彈性

health-body05

那管你再多工作要做,總之下午一時至二時就是你的Lunch時間,而且遲食可以,但遲返就萬萬不能!其實,「佢」不過是為了你的健康著數,經常食無定時,對胃部和身體都非常不好呢!咁要人15分鐘就食完又健康咩?不是「佢」迫你遲食的,咪賴人啦!

 

結論是:「佢」無迫你、無屈你、無欺壓你、無煩你、無對不起你,處處為你著數而你竟然當「佢」係衰人?你仲唔係有病!而呢個病只有一個解決方法,你懂的!