advertisement

放假前夕的心情,真係好鬼複雜,仲會做好多平時唔做嘅事,彷彿變了另一個人。以下列舉的幾個徵狀,如果你中咗3個或以上,很不幸,你已患上假前失魂症!雖然並非絕症,但小編還是奉勸大家,其實都仲有2日先放復活假,都係認真啲工作啦,唔係小心失魂變失業呀!

 

無心工作

平時明明好努力做嘢,但呢幾日就神不守舍,嘢唔止做得慢,仲要做錯添!

 

時間錯亂

唔知有意定無心,總係將時間推前幾日,就好似今日明明係TUE,你就以為係THU囉!

 

唔願起身

準時返工一早已經習以為常,但呢幾日就梗係唔知醒,醒咗又唔願落床,覺得張床好似有股無形嘅吸力咁!

 

狂Loop電話

明明數據就嚟爆,都會不顧一切、不分晝夜地不停Loop電話,特別係IG、旅遊Tips網等等,生怕Miss咗最新外遊資訊。

 

購物慾大增

去旅行Shopping好正常,但都要影靚相嘅,仲要係不經意嘅自然流露添!根本,由出門開始就要戰衣上身,所以係唔會等得切,喺香港就已經要大開殺界啦!