今季必染粉霧感獨角獸紫色髮色!3招漂髮護理小撇步

要講今年最hit嘅髮色,不得不提連HANI、韓國潮流教主PONY近期都換咗嘅髮色!充滿粉霧感嘅紫色特別顯白,最啱依家微涼嘅天氣,就算成身都著沈色系,髮色都可以令你成為亮點!

呢隻迷紫色咁百搭,睇嚟又會引起一堆迷妹跟住HANI同PONY一齊轉髮色!不過要染出呢隻顏色,漂髮係不可或缺嘅一個步驟,究竟要點做先可以令頭髮冇咁傷呢?唔想白白浪費咗漂染頭髮用嘅金錢,就記得要mark低以下點喇!

  1. 漂染後,1-2日內盡量唔好洗頭;洗頭時盡量唔好用太熱嘅水,因為熱水會令頭髮甩色甩得更快;
  2. 漂染後,採用具有鎖色護色功效、較溫和及鹼性較低嘅洗護頭髮產品,有助修復染色及受損頭髮;
  3. 熱力、陽光照容易破壞頭髮鱗狀表層,令頭髮容易甩色,並失去光澤,所以喺吹頭,或進行戶外活動前,可以用返啲具修護成分及抗紫外線功效嘅護髮產品。

圖片來源:ahnhani_92、ponysmakeup @Instagram

advertisement