advertisement
腎臟象徵我們的元氣，再不就冇「好腰好腎好男人」呢句說話啦！不過，依家唔同喇！因為女生一樣要捱更抵夜，亦有喜愛夜蒲，健康生活已經離我們而去，所以，有冇察覺自己條馬尾愈來愈幼，髮質又愈來愈差呢？如果有的話，你很有可能腎虛了！咁又唔使驚，先戒走以下傷腎行為，再搵中醫補補佢就OK啦！
捱夜
工作捱夜都算，捱完仲要唔肯瞓狂玩電話先衰嘛！晚晚冇2、3點都唔瞓，但朝朝又準時7點要起身，鐵人都生鏽啦！
零食控
因為悶啦、口痕啦、失控啦定強迫症啦，總之你是零食控就是了！天天唔食唔安樂，結果吸取大量鹽份，便會造成腎臟負責，他是會累的。
飲水過少
「忙到連飲水都冇時間」絕對是部份香港人的辦公生活，但當身體水份吸引不足，便很容易令毒素積聚於腎臟，久而久之，佢咪會病囉！
偏方減肥
香港地嘛，凡事講效率，連減肥都一樣，正正常常做運動和健康飲食的進度實在太慢，結果便尋求偏方，包括單食某種食物一段時間，長時間的不正常吸收，自然會影響腎臟正常運作。
