係咪真架!梳打水洗頭拯救扁塌髮根?!

人就係咁,隔離飯香。多就羨慕人哋又薄又貼服的少又會恨有自己永遠得不到的髮量;但講到造型,問十個髮型師十個都會話髮量多一定比較好,特別是髮根勁貼頭皮的那些女生,想造出立體髮型就特別難!所以,向來有諗頭的日本就提出用有氣水來洗頭,話咁樣有助髮根挺直喎,究竟原理係咩?事實又係咪咁呢?!

 

有氣水(Sparkling Water)

每當去餐廳,Waiter問要Sparkling Water定Still Water時,小編一定揀Still Water,因為害怕Sparkling Water那種苦味。但原來就是這一道苦味,足以拯救髮根!

 

據日本傳來的消息指,有氣水含碳酸成份(苦味來源),去油力強,有助改善因油性頭皮而引致的髮根問題。同時,當中的活性亦可促進頭皮血液循環,令生長得更健康,韌性提升了,髮根自然比以往堅挺。

 

不過,亦有台灣皮膚科醫生提出質疑,首先可樂之類含糖份的有氣水,就有機會堵塞毛孔引發頭皮炎,另外,即使是無糖,碳酸也具一定的侵蝕性,長期使用會損害皮膚和髮質。

 

咁點算好呢?日日咁洗當然唔好,但若當天需要出席重要場合,想Set一個立體髮型,視為急救之用又未嘗不可呀!