advertisement

部份圖片來源:Pinterest、互聯網

 

來到2016年的最後一日,星期六,晚上有P,但現在的你,喺Office,努力著。多麼的可憐,最慘係,老闆自己放咗假囉!如果你不是第一日上班,唔好問點解唔係5 days工作周喇!不如諗定一陣如何變「髮」來拋開上班Look,直踩除夕P好過啦!

All Back馬尾

返工嘅Hea Look,唔使小編多講大家應該都想像得到。不論你是一頭散髮,還是一條零要求的馬尾,都請你想全部頭髮束起,變成All Back高馬尾。一來有型,二來方便,三來有助拉緊臉部輪廓,踢走收工頹樣,免得趕客呀!

All Back瀏海

長髮、短髮、直髮、曲髮通通適用!在這乾燥的季節,若頭皮偏乾的話,其實更易出頭油,加上除夕要返工,心情煩躁亦會增加油脂分泌,結果一個下午就令髮根扁塌。將瀏海全部Gel後,除可遮掩此問題,也令人看起來更精神,而這才是真正的Party態度。

低馬尾

流行嘅嘢就係,儘管以往多不起眼,一興起上嚟就係潮!過往被視為「阿婆先紮」的低馬尾近年大熱,潮Look去Party當然受落啦!不過看似簡單其實都有要求嘅,就是橡筋位必需緊近髮腳,並再用頭髮包裹橡筋將之隱藏,加上拉鬆頭頂,令頭型更圓,否則便真的會變阿婆呀!