advertisement
對於鍾意成日玩新髪色嘅朋友，每季流行嘅顏色都唔同，要成日漂染真係好傷頭髪，今次就介紹一款美國大熱變色染髮劑，只需要染一隻色，頭髪就會隨著溫度而自動改變顏色，即係你可以同一時間有兩隻色轉換，啱晒貪新鮮嘅人士～
美國品牌Pravana推出咗一款變色染髮劑 Vivid’s Mood Color，共有4款顏色，各款顏色遇熱後就會變成唔同相應嘅顏色，例如染紫色遇熱後會變成粉紅色；染粉紅色或者灰色遇熱後則會變成白金色；而染綠色就可以變黃色，顏色仲幾靚添～唔知遲啲會唔會再出多啲顏色選擇呢？（小編表示想要藍色變灰色～）
當頭髮接觸到風筒吹出嘅熱氣或者電髪棒嘅溫度後，就會漸漸變色。
口中的熱氣亦可令頭髮變色，好好玩～
除咗呢個美國牌子，英國品牌The Unseen都推出了一款名叫 Fire 的變色染髮劑，用後髮色會從黑色變至唔同嘅顏色，例如紅色，最啱係放工去Party立即換形象！
圖片來源：Pravana、The Unseen、Best Hair Style 2017、theygo2jared
