徐子珊教洗衫:異味、原子筆漬K.O.妙法!

上回講到淡出幕前,偶然接下內地劇集,又花多咗時間喺進修和宣揚綠色時裝上,唔係得把口講㗎,仲親力親為拍片教大家!今次就教大家DIY衣物清新噴霧和清理原子筆漬的小技巧,以後打完邊爐、食完韓燒,件衫就唔洗一陣味;唔小心畫花左件衫,都唔洗即時報銷!

 

 

子珊闊別了香港觀眾一排,不過仍不時更新IG和微博,好讓粉絲們繼續關注她的動態;不過日前就有網友發現,子珊最近的照片跟以往的樣子有些不同,「有點大陸網紅feel」、「以前正好多」、「懷念以前在TVB的樣子」,惹來整容疑雲。不過經今次專訪後,編輯親證子珊的樣子依然無添加,個樣唔同咗,只係因為P圖過度姐!

 

 

 

女生up相P少少圖,人之常情!P圖到P到過曬火,就真係唔P好過P了。好似子珊呢張IG相咁,為左P瘦條腰,鏡中嘅窗框彎曲變曬形,露出破綻!

 

 

子珊出道以來,從不會吝惜身材,天生瘦底加上自小習舞,2009年推出個人專輯《Kiss Me Kate》,當中一首《Hit Me》,小蠻腰加上不停扭動身軀,令人印象深刻。

 

 

個人認為,其實子珊唔洗P圖個樣已經夠靚,真人很纖瘦,又夠貼地肯教人,精通兩文三語而不會太造作,是個美貌與智慧並重的真港姐啊!