衣著從來都很個人化,不過有網民經常對於港女的衣著評頭品足。最近又有網民於討論區上發帖文「做咩而家周街都皮鞋長襪扮學生妹」為題,當中有狠評現今年過30歲的「中女」穿皮鞋長襪扮學生妹,指「2字頭著就卡哇依,3字頭著就笑死人」,因而焫㷫不少網民惹來連番熱議。
網民批港女著皮鞋+長襪 好肉酸!
現今女性的衣著不時被網民評頭品足,最人氣熱話必定是「去到邊都著瑜伽褲」、「著瑜伽褲易現形好尷尬」等。近日有網民在連登討論區又再狠批港女衣著。網民以「做咩而家周街都皮鞋長襪扮學生妹」發文,批評「中女扮學生妹好肉酸」,指「你話十幾廿歲著就話Cute,中女都著就係老人家扮後生」啦,更指肉肉女和中女只可穿遮掩身型的衣著,因而引來網民一番熱烈的討論。
正義港女反擊:「呢啲叫Loafers,唔係咩學生妹鞋」
不少網民指出其實別人喜歡穿著甚麼都是自己的自由,批評樓主思想庸俗,好mean,不應該多加意見以反對別人的衣著風格,「人地著咩都想管,係到評頭品足⋯⋯照下鏡先啦」、「瑜伽褲又唔啱,扮JK又唔啱,點解咁狹隘,三九唔識七,人著到史迪仔咁都唔關你事啦」、「依d叫Loafers,唔係咩學生妹鞋」、「loafers年年冬季全球長青款,係連登就變咗扮學生妹」。
網民指:根本是身形和年齡的歧視 好膚淺!
有部分網民對樓主卻有另一番見解,指他並非指向潮流風氣,只是針對身形和年齡的歧視,掀起連番討論。「其實都係睇腳啫,白滑長(腿)著咩都好睇」、「用年紀來衡量女人太膚淺」、「關咩事,中女同肥婆著咩都係錯架啦」、「我公司有個三十幾生左仔人妻咁著。。。。好嘔」。隨後,網民數出各年齡層的代表,最高度讚賞的有「2字頭代表」Kayan9896、KOL Spoon;還有批評「3字頭代表」張寶兒、莊思明,以及「4字頭代表」的黃翠如,指她們「著咗都唔覺後生」,似乎大家對「年齡數字」相當敏感呢。