瘦臉嘅奇招應有盡有,不過今次小編唔係想教大家點執塊臉,而係推介大家一個萬試萬靈嘅小顏神器-黑超!唔單只可以擋陽光,仲可以遮包包面!學 Sammi、Angelababy 咁揀番副可以修臉型嘅黑超,無論出街定 selfie ,點 chok 都零死角啦!
DIOR DIO(R)EVOLUTION 眼鏡系列
Sammi 不嬲都走在潮流尖端,跟佢揀實無死!最近 IG Post左呢張戴住 DIO(R)EVOLUTION 眼鏡嘅相,眼罩形鏡面好搶眼,小編尤其鐘意鼻樑上方有一顆 CHRISTIAN DIOR 幸運星嘅細節位,個個都留言大讚型爆,加埋今季好 hit 嘅熒光紅唇,靚晒!
高調女生一定鐘意嘅款式,粗框 oversized 鏡面加上側面有 YSL 金屬 logo,風格夠晒復古,女人味十足,小編就覺得黑金係必入款,Angelababy 生完小海綿出院都係戴住佢!
唔係講笑,BV 呢款 Cat Eye 型黑超真係好有型!眉毛位置上揚嘅鏡面塗層設計,令視覺上有瘦面效果,而且款式夠獨特,戴住出行街回頭率一定極高!
覺得黑白款式太沉悶,FERRAGAMO 春夏系列呢款黑超你又點睇?小編就被佢嘅流線形眼鏡框深深咁吸引住,加埋鏡面上方有金屬邊細節,好有貴婦嘅感覺!