advertisement

《BB來了》尋找允豬的辛酸故事|到底有幾多個允豬?
大台電視劇《寶寶大過天》昨日首播,這套由岑麗香、馬國明主演的新手父母主題電視劇,相信會繼 2018 年《BB來了》之後,成為新手父母熱烈討論的話題劇集。除了兩位主角之外,飾演女兒「童童」的小童星梁芯語(Libby)亦旋即被起底。原來她年紀輕輕已經演出經驗豐富,當年《BB來了》亦有份飾演「允豬」一角。如今她更擔正做主角,認真犀利!

A post shared by (@) on

梁芯語能夠脫穎而出擔正「童童」一角絕非偶然,《寶寶大過天》監製廖晉碩便在大台官方雜誌訪問中大讚芯語演技出眾:「劇中有不少喊戲,聽到嗌 cut便會收聲,十分叻女!」

A post shared by (@) on

當年做過「允豬」的小童星又豈止梁芯語一個?《BB來了》劇集入面亮相過嘅允豬更加不只6個!就連一手發掘允豬,帶允豬試鏡拍攝嘅專業星探,泓星影藝公司負責人 Eric 自己都一度數錯咗!不如趁《寶寶大過天》開播,一齊回顧下「允豬的誕生」啦!

 

《BB來了》是否由6個BB飾演允豬?佢哋當時幾歲?

《BB來了》係大約半年前拍攝,當時電視台要求我搵一堆BB,我最終搵咗大約70個BB畀佢哋揀,之後揀咗20個BB進行面試,最後揀出6個BB作為演員。揀6個BB係因為配合劇情發展,要用上唔同大細嘅BB,而因為BB需要休息,所以要揀多幾個方便BB輪班出場。

 

《BB來了》尋找允豬的辛酸故事|到底有幾多個允豬?

Eric珍藏嘅「七大允豬」圖集:1. 陳映墁(1個月)、2. 謝涴柔(半歲)、3. 陳妃頤 (5個月)、4. 李迦嵐(8個月)、5. 梁芯語(11個月)、6. 吳忞玥(11個月),仲有7. 鄧巧媛 (1歲1個月),括弧係佢哋半年前參加拍攝時喺相入面嘅年齡。

 

其實允豬唔只6個,仲有一個頭幾集出場嘅初生BB,係後來補上(上圖一號BB)。另外大家可能都記得允豬畀奶奶迫食蜜糖嘅一幕,呢個「特別版允豬」相信大家都印象深刻。

 

《BB來了》尋找允豬的辛酸故事|到底有幾多個允豬?

被迫食蜜糖嘅BB允豬黃聖雅,拍攝時只有三個月大。

 

作為專業星探,為何因為《BB來了》感到崩潰?

其實我一直都係專門負責搵特約演員,搵BB做戲對我嚟講唔係高難度,但由於劇集入面有三位導演、7-8個PA(助理編導),佢哋都知道小演員難控制,睇相又同見真人好大分別,於是個個都要求見過小演員真人、精心挑選過先決定邊啲集數用邊個演員進行拍攝。即係不斷安排6個小演員畀十幾個人揀,依家諗起個過程真係崩潰(苦笑)!

 

《BB來了》尋找允豬的辛酸故事|到底有幾多個允豬?

電視台昨日舉行宣傳活動,其中四個「允豬」再度出場,事隔半年,小演員們已經長大了很多。

 

《BB來了》尋找允豬的辛酸故事|到底有幾多個允豬?

咁多允豬一齊出現,小編諗起《超人特工隊2》入面BB積積嘅分身術!

 

係咪所有允豬都係女仔?

所有允豬都係女仔,不過有一個小演員係「男扮女」,佢其實係我自己個仔(!)如果你記得劇情中段講到大佬(徐榮飾)送前妻入醫院生BB嗰幕,前妻最後生咗個囡囡,嗰個BB就係我嘅仔仔。因為當時正直流感高鋒期,政府都宣佈停課,當時都真係好難搵到BB做呢個角色。因為全部演員都已經喺度,冇咗BB就拍唔成,安排補拍亦十分麻煩,於是我就先斬後奏,喺屋企「偷」咗自己個仔出嚟,事後仲畀老婆鬧咗一大餐...

 

《BB來了》尋找允豬的辛酸故事|到底有幾多個允豬?

大佬送前妻入院呢一幕。

 

《BB來了》尋找允豬的辛酸故事|到底有幾多個允豬?

呢個BB其實係Eric自己嘅初生仔仔。

 

《BB來了》尋找允豬的辛酸故事|到底有幾多個允豬?

仲有出咗幾秒大頭。

一個稱職嘅「允豬」有咩條件?

其實BB都係電視台方面挑選,當然外型上有要求,要可愛得意同埋切合角色年齡。咁細嘅小演員當然冇演技可言,但就要肯跟人,唔易喊,如果怕生保一抱起就喊,咁幾可愛都冇用啦。

 

做「允豬」有冇人工?

允豬當然有人工,不過只係象徵式車馬費。小演員係以日薪計算,一返工就要全日standby,所以先要咁多個允豬替換,因為BB好需要休息,唔好以勉強佢哋日日返電視台開工。其實小演員喺電視亮相只係滿足佢哋表演欲,感受下群體生活。想賺錢就要做電影演員,廣告演員人工就更高。

 

《BB來了》尋找允豬的辛酸故事|到底有幾多個允豬?

BB轉眼就大,大家認唔認得呢班允豬豬?

 

圖片:被訪者提供及TVB截圖