advertisement

ViuTV皇牌選秀節目《全民造星》播出兩星期,83位參賽者陸續出場爭奪50強席位,今季以「藝人再出道」為主題,亦加入女參賽者,所以吸引不少已經有豐富演出經驗的藝人報名,例如E-kids成員林詠倫(Alan)、Bingo成員關嘉敏(卡文)及陳康琪(Odilia)、顧定軒(Zeno),連本身是ViuTV藝人的蔡寶欣(Pony)等也積極參與,期望借這個平台讓事業再闖高峰。自稱是樂壇old sea food的張敬軒昨日在IG出文,鼓勵《全民造星III》參賽者,更分享做藝人的心態和建議!

原來張敬軒也有追看《全民造星III》,看到參賽者的努力,他也會反問自己是否有勇氣站在舞台上,面對評判和觀眾的評價?他坦言:「我自己堅係淆,所以俾個叻你哋。」他又說自己是一個幸運的人,屬一入行就可以出碟的歌手,雖然初入行時亦曾被唱片公司呃錢,幸好他不死心,再問家人借錢才能成功出第一張大碟《Hins' First》。全因他當年無悔的追夢精神才有今天的張敬軒。不過,他亦稱:「所謂時勢造人,如果我換着係呢個時候入行,我可能最尾都會有機會成為歌手,不過可能需要經過更加多嘅考驗同埋更長時間先至可以得到出唱片同被人認識嘅機會。」

張敬軒鼓勵《全民造星III》參賽者:要成功齋係鍾意係唔夠,還要不顧一切投入

鼓勵想入行的你和他:齋係鍾意係唔夠

想成為藝人,單是喜歡並不足夠,還要不斷努力,萬一成功了也不能鬆懈,還要學懂去欣賞別人,了解自己的不足然後將勤補拙,才能在娛樂圈站穩住腳。「無論音樂、舞蹈、戲劇...所有嘅表演同社會上嘅每一項專業嘅職業都一樣,都係一種技藝(技能),需要帶住思考同埋檢視去不斷反覆練習同埋鑽研,你要成功嘅話,你一定要好迷好迷嗰一樣嘢或者嗰一件事。齋係鍾意係唔夠,仲要有不顧一切嘅精神去投入落去先至可以有成功嘅機會。萬一,萬一就算你成功咗,都唔好覺得係老奉,記住永遠有比你更叻嘅人,永遠有比你更用功嘅人。仲有,永遠有比你更有天份嘅人。想自己可以繼續得到成功嘅機會或者可能,就要識得去欣賞人哋,多啲睇到自己唔叻嘅地方,然後將勤補拙。」

失去要接受 擁有要珍惜

不過現實是殘忍的,他亦指有時無論你有多喜歡某一種職業,有多想在某一個範疇發展,但你偏偏沒有天份,亦不屬於這個地方。「係好無奈,係好唔Gur,但要嘗試用自己最大嘅努力去接受,不過呢個痛苦嘅過程都係一個得著,喺你以後嘅人生旅程入面你返轉頭望下,佢只不過係一個好細嘅章節,不過可能卻很重要。」假如你屬於幸運的一批,可以理所當然做自己喜歡的事,亦要懂得珍惜。「因為要記得喺呢個城市嘅某一個角落,有一個人或者一啲人正喺度好羨慕,甚至渴望去擁有你所擁有緊嘅嘢。」

最後,他結語,「希望所有參加者無論成績如何,都有一個好享受同埋有所得著嘅旅程,好好利用呢次機會去更深一層認識自己,令自己成為更好嘅人,揀一條更適合自己嘅路,不負青春。加油!」