《金宵大廈》Raj Sir 被老婆打千字文控訴渣男罪行！陳振華包二奶家暴借錢走數樣樣齊

如果有看《金宵大廈》的話，必定會對飾演鄧佩儀男朋友「Raj Sir」的印度裔演員陳振華有印象。37歲的陳振華在香港土生土長，因而操得一口流利的廣東話，並於5年前在同鄉喬寶寶的介紹下入行。在觀眾眼中形象正面的他日前被老婆爆料出軌、家暴、借錢、走數樣樣做齊，是一個不折不扣的「渣男」！事件曝光後有很多網民也為他的老婆抱不平，TVB渣男名單又多一位，看來未來也較難在電視螢幕見到他了～

《金宵大廈》Raj Sir 陳振華被爆渣男罪行

陳振華除了在TVB參演多套劇集外，他亦曾出演ViuTV真人騷《兩面不是人》及《對不起 標籤你 II》，更在節目中分享自己的正職是髮型師，演藝事業只是副業，而工餘時間更會為癌症患者義剪。當大家以為他是一個十分努力的演員時，陳振華太太Alison卻在個人社交平台爆料，以千字文控訴其渣男罪行，當中包括：包二奶、欠債、工作態度差、製造假新聞扮好老公、虐打女兒，實在看得人「眼火爆」！

陳振華與老婆Alison育有一名女兒，然而陳振華卻沒有盡好爸爸的責任，反而把家中所有錢，包括女兒利是錢、政府資助津貼、朋友的接濟錢等等全數拿去北上偷食「北姑」，甚至是以「老婆成日攞佢錢」的名義向朋友借錢，多年來只在分開前數月給予過約2萬元生活費⋯⋯Alison更怒斥：「我同個女食都冇得食！學費你唔交累到個女冇書讀要退學！同你捱咗咁耐換返嚟就係呢啲？為咗隻廣州雞棄埋個女都算，仲要同人哋唱完我再唱衰個女，你有冇人性㗎！」

除了包二奶以外，Alison 亦大爆陳振華會找她製造假新聞，例如拍兩張恩愛照放閃，甚至是扮好爸爸買玩具給女兒去打造「好男人」的形象。然而 Alison 卻指責：「出世咁耐你一件玩具都冇買過畀個女啦！淨係送過一包糖咋！個女記到而家呀！嗰隻糖你個女以前唔食㗎！因為你佢鍾意咗呢隻糖，話你買過畀佢！成日都叫我買！因為佢好開心係你送畀佢！」甚至更指控陳振華曾瞞住她出手打女兒，打至女兒流血，以及辱罵她們兩母女。

另外，陳振華更被爆曾以非常惡劣的態度工作。Alison 表示，陳振華早前與容祖兒合拍廣告，怎料陳振華竟然因等待了長時間仍未開拍而大發脾氣！Alison坦言：「人哋Joey拍咁長時間都未發脾氣，你喺片場發晒爛渣同我講話要X人，又叫人拍你先！話人阻住你返大陸拍嘢！態度又差！唔知真係以為你係國際巨星，連Joey都差啲要行埋一邊讓你拍先！」實在「大牌」得令人驚訝⋯⋯

最後Alison於文末宣布與陳振華割席，並呼籲被陳振華借錢走數的人報警求助：「本人跟件垃圾香港印度裔演員陳振華先生早已分開，並沒有見面及聯絡，佢最近喺出面周圍問人借錢走晒嗰啲數與我無關，我建議咁多位最近不約而同地曾經搵過我嘅受害人報警。」希望Alison能走出陰釐，未來活得更好！