ERROR四位成員各有特色，雖然不是走「偶像路線」，不過4位勝在形象夠貼地入屋。早前ERROR推出了新歌《我們很帥》，換上一身造型戴上假髮扮台灣經典天團F4，令人忍俊不禁！肥仔（梁業）笑言ERROR跟F4一樣都是偶像組合，阿Dee（何啟華）表示「配合返F4四個成員嘅元素啦，一個好大隻、一個對眼好細、一個手指靈活同一個高大嘅成員，咁我哋4個都配合返個元素啦。」講起這首主打的《我們很帥》，肥仔指「呢次首歌個主題就係講我哋4個如何自戀啦，講我哋幾個嘅缺點全部都優點化。」阿Dee補充指，「睇落呢首係一首普通抒情歌，但其實係一首勵志嘅歌，鼓勵大家要識得欣賞自己嘅優點，因為嗰啲係令我哋發光嘅地方來。」大家看完四子的鬼馬《流星雨》MV，也別忘了去聽聽他們的《我們很帥》呀！
