3位香妃 3種韻味！唔止《延禧攻略》有香妃

睇《延禧攻略》睇到上晒癮嘅你哋，如果有跟貼劇情，應該已經睇到順嬪嘅出場，亦即係大家所熟悉嘅香妃。講起香妃，其實唔少劇集都有呢個角色嘅登場，每個角色都有唔同嘅角色人物性格，以下幾套比較為人熟知嘅劇集， 大家又最喜歡邊一位香妃呢？

1. 《延禧攻略》張嘉倪

最近最火熱嘅，莫過於《延禧攻略》，每個角色都俾網民熱搜，而飾演令妃嘅演技派女演員張嘉倪，更係引起話題～順嬪嘅歷史原型，其實係容妃，亦即係嚟自回族的嘅香妃。劇集中嘅香妃，擁有全皇宮最靚嘅天使面孔，但毒計一浪接一浪，皇后(佘詩曼飾)更要提議同瓔珞聯手，對抗呢個強勁嘅敵人！

而飾演順嬪嘅張嘉倪，早年因劇集《又見一簾幽夢》走紅，演技備受讚賞！幾年前因為要生B，暫停演藝事業，而《延禧攻略》就係佢產後首部作品，令人十分期待！

2. 《還珠格格》劉丹

要數最為人熟知嘅香妃，一定要數《還珠格格》裡面著住民族服飾嘅香妃～劇集中嘅香妃自帶香味，可以招蜂引蝶，仲好討厭皇阿瑪，最後香妃都係逃離咗皇宮，同心愛的嘅人蒙丹喺埋一齊，可以話係唔少人嘅回憶啊！

但現實中，飾飾香妃嘅劉丹命運卻就好悲慘，出演《還珠格格》時先23歲，正是事業嘅起點，兩年後就因為出車禍去世了，年僅25歲，令人感到十分惋惜⋯⋯

3. 《如懿傳》李沁

緊貼住《延禧攻略》播出嘅另一熱播劇 - 《如懿傳》，同樣有香妃呢個角色，劇中香妃係寒部第一美人，名動天山。因為生得太靚，被送入宮中，已經有心上人嘅佢，為咗族人安危無奈留在宮中，皇上對她百般寵愛，卻始終無法贏得芳心。

而喺劇中飾演香妃嘅係當紅小花李沁，因出演《紅樓夢》中少年薛寶釵一角色而知名，演技都得到認可，唔知睇完三位香妃，大家有冇心水之選呢？