瓔珞新劇《朝歌》化身妲己 蓋不住阿嬌仙氣登場

當大家都追梗《延禧攻略》，或者《如懿傳》嘅時候，又有新劇即將開播！繼佘詩曼後，今次阿嬌將會喺呢套內地劇集出現，加上由《延禧攻略》飾演女主「瓔珞」嘅吳謹言再次擔正女一，卡士強大，製作又「揼本」，值得期待一下！

喺《延禧攻略》飾演率直堅強嘅「瓔珞」，今次吳謹言嚟個180度大變身，飾演妖魅嘅妲己，反差之大，你哋可以迅速投入劇情嗎？

而大家都好期待見到嘅阿嬌 - 鍾欣潼，今次喺劇裡面飾演羽族女王，雖然戲份比吳謹言少，戲服亦沒有好出位，但一出場嘅仙氣同氣質，令人移不開眼睛，甚至有人覺得比任何一個角色更亮眼！

男角方面，顏值都唔差喎！

姬發（張哲翰 飾）

西岐王子，滅商建立周朝，文武雙全、心繫百姓，成為一代明君。

帝辛（保劍鋒 飾）

紂王，商朝最後一個帝王，好大喜功、荒淫無度、敏感腹黑。

武庚（米熱 飾）

帝辛與妲己的兒子，一個富有才情但為情所困的少年王子，在愛與王位之中壓抑掙扎，終將走向滅亡。

姜尚（林佑威 飾）

姜子牙，幫助姬發滅商建周的一代謀聖。

楊戩（許凱 飾）

姜子牙手下猛將之一，驍勇善戰。（題外話，大家認唔認得佢就係《延禧攻略》裡面嘅博恒？佢同瓔珞又合作喇～）

劇集講述商朝帝乙年間遷都「朝歌」，原本欣欣向榮嘅都城，因為帝辛好大喜功、征戰四方，弄得民不聊生，於是四方諸侯紛紛崛起反抗！西岐王子姬發，文武雙全、少年英雄，被陷入獄後，逃脫後幸得姜子牙、楊戩、哪吒等能人異士相助，推翻暴政建立周朝，天下再次得到平定。睇睇預告片先！

就咁睇陣容同劇情，小編覺得應該不比《延禧攻略》遜色，但真正係點，都要等劇集播出後先知喇～