屢傳So Ching退團COLLAR下月八缺一出席活動！網民反應兩極：拖住成隊後腿、唔退繼續做又會俾人話

自兩個月前MIRROR演唱會發生嚴重事故後，組合MIRROR及COLLAR的工作亦大受影響，其中受傷舞蹈員李啟言（阿Mo）女友、COLLAR成員蘇芷晴（So Ching）更一直停工相伴。而隨著MIRROR十二子正式復工，COLLAR成員的工作亦開始重回軌道，亦終於會於下月以代言人身份現身公開活動，不過在宣傳海報上卻「八缺一」，仍然未見So Ching，因而惹來So Ching退團猜測！

雖然演唱會事故發生後，COLLAR並沒有直接表明會休團，但組合工作亦有暫緩及受影響。另外，由於阿Mo至今仍在留醫，作為阿Mo女友的So Ching在這段時間都專心照顧阿Mo，未有再出席任何公開活動，只有部分成員繼續進行個人活動。

而COLLAR代言的飲品則將於下月27日在西九舉行活動，但在品牌的兩張宣傳海報上，只預告會有COLLAR中七位成員，包括Day（許軼）、Gao（沈貞巧）、Marf（邱彥筒）、Sumling（李芯駖）、Winka（陳泳伽）、Candy（王家晴）及Ivy So（蘇雅琳）出現，仍然未見到So Ching身影。而據知活動當日，Candy、Ivy只會出席早上活動，而Day、Gao、Marf、Sumling和Winka，則只會在下午現身，以避開COLLAR成員八缺一的尷尬場面。

不過對於是次活動的安排，就引來大批網民的猜測，直指此舉是間接承認So Ching退團。而網民對於So Ching疑似退團的消息也反應兩極，部分直指「退團未必係壞事，可以自由身冇包袱專心照顧男友」、「退，放棄自己前途嗎？不退，畀人話撇下男友冷血？」、「仲邊有心機出嚟買笑」、「退吾（唔）退團依然繼續支持佢」、「佢行同企都比（俾）人話架啦，佢真心好辛苦」⋯⋯

而近日也有網民於連登討論區以「collar一日有so ching係咪唔駛旨意復出？」為題開帖文，部分留言批評So Ching「拖住成隊嘅後腿」、「一日呀mo未過返正常生活，一日collar都未出得黎」、「佢都唔玩架啦，無謂阻其他人」、「其實本身都幾like佢，而家密密出po好似走唔番出黎」、「一個人出道就可以咁講，佢而家一個拉停晒其他成員，有冇諗過人地想唔想陪你一齊等？ 為個男朋友好，係咪先照顧好自己，過好自己既人生先呢」。

又有人提議So Ching無限期休團，其他成員繼續進行活動是暫時最好的方法。另有網民指焦點不應繼續放於So Ching身上，又指「點解睇留言覺得D人由支持佢變到現在好似覺得佢好煩咁呢？」