advertisement

泰國於3月正式通關,由4月放寬限制,相信不少港人都好掛住去旅行的日子,KOL Sue Chang(張厚耀)就分享自己、弟弟同老公,帶上兩個分別4歲及2歲的囡囡全家飛泰國旅行,分享的旅行照片引來網民討論,有人超羡慕她可以去旅行,亦有網民批評她帶未接種疫苗的兩歲細囡去旅行不負責任。

Sue Chang分享在泰國的旅行照,更去了動物園、行夜市,不少網民都問及入境後隔離、檢測等流程,Sue表示細囡Kaia未夠3歲,就算未打針亦唔會影響入境,並透露佢哋一行人入境之後,只需去到政府認可酒店做檢測,再留酒店房一日等結果就可以自由出行,直至入境後到第五日需要使用酒店派發嘅檢驗包進行快測,並將結果發送到指定電郵,她更表示過程簡單。而從泰國回港後就要隔離7天,而Sue出發前已訂好香港酒店準備隔離。

外交部領事事務局網站上顯示:8歲及以上者都必須在前往泰國前至少14天內接種經批准之2劑完整COVID-19 疫苗;獨自前往泰國之12至17歲旅客必須接種至少1劑經批准疫苗,與父母一同旅行者不受此項要求之規範;與父母同行之6至11歲旅客可免除此項要求。所以2歲囡囡未接種疫苗亦可入境。

但有網民就批評她帶未接種疫苗的兩歲細囡去旅行不負責任:「個囡未打針都夠膽坐飛機!」、「若旅遊受感染,請不要回港!累街坊!」Sue就解釋:「我地出發前搵咗家庭醫生,大人細佬開晒平安藥。」、「其實好多外國都放寬晒,他們每個人都正常生活緊~出發前我們已衡量好一切,我哋路上一直有帶好口罩,每時每刻都做好消毒。」亦有網民撐Sue:「有幾嚴重啊?其他國家都開關了!」