Ian陳卓賢｜MIRROR 4子開個唱竟冇Ian份？惹Hellosss不滿！憑數據撐偶像

日前有消息指MIRROR將於今年合體再開騷。另外，有傳其中4位成員姜濤、盧瀚霆（Anson Lo）、柳應廷（Jer）以及呂爵安（Edan）亦將於暑假檔期7至8月期間，輪流開個人演唱會。有關消息發酵了一陣子，仍未得到官方確實，直至今早Makerville只回應：「我們會盡快公佈」；不過就經已引起鏡粉們的熱烈討論，當中議論度最高、最令樂迷不解的當然是Hellosss們戥偶像Ian陳卓賢唔抵：「點解Ian冇Solo Con？」

論「單飛」資歷，Ian陳卓賢和姜濤是隊中首批「單飛」成員，由出道作《二期大樓》到4月推出的新歌《抱抱無尾熊》，至今合共推出13首個人單曲，以歌曲數量計都算數一數二。

心水清的粉絲們更表示，Ian幾乎首首歌自己都有份參與創作，再加上於早前的《叱咤樂壇流行榜頒獎典禮》中，不僅首次奪得「叱咤樂壇唱作人銅獎」，還有憑solo歌曲《留一天與你喘息》奪得「專業推介叱咤十大第七位」，足見其音樂才華備受專業肯定。

此外，每首歌的MV平均觀看次數亦超過500萬，像是新歌《抱抱無尾熊》的MV推出16日（截止4月27日），觀看次數亦已累積408萬，足以證明歌曲的受歡迎程度。

再加上其IG（@iancychan）粉絲有60.3萬，在隊中排行第四，僅次於姜濤、Anson Lo和Edan，同時深得廣告商喜愛，論Ian歌曲、實力，以及人氣都有資格、叫座力舉行個人演唱會！

經過4年多來不斷的努力，Ian可謂用「成績」證明了自己，對於個人事業發展也強大了信心。從前個性較內斂的Ian，早前於4月1日的音樂節訪問中竟罕有表態，渴望開個人演唱會：「我爭取呀，聽唔聽到？公開爭取，Hello，透過畫面話畀大家聽，係呀，我想呀。（今年達到？）我想呀，如果可以，聽日都嚟呀」，令一眾Hellosss十分期待！

因此，自傳出MIRROR四子開個人騷的消息後，粉絲們都對沒有Ian的傳聞大感錯愕，難怪消息未經證實，粉絲們已替Ian不值，並在各大討論區、留言版洗版式為偶像打氣：「Hellosss好期待你可以有個人concert㗎，舞台上嘅你係最開心」、「全力爭取陳卓賢個人演唱會」，「我想睇陳卓賢個人演唱會」，點都好，粉絲為偶像的付出，相信Ian都會收到晒。希望稍後MakerVille的回覆能盡如人意啦！

Ian於早前的《叱咤》中首奪「叱咤樂壇唱作人銅獎」以及「專業推介叱咤十大第七位」，其音樂才華備受肯定。（圖片來源：IG@iancychan）