落選港姐何泳芍 Honey 正能量爆發 「等大家可以見到真正嘅我」

香港小姐前晚已經選出，賽前一直呼聲好高嘅何泳芍（Honey）最後三甲不入，第二日就喺IG發文感謝網民嘅支持，網民紛紛留言齊撐！

Honey喺發文話：「So I close my eyes to the old end and open my heart to the new beginning.

有好多支持我嘅人都有表達對我嘅關心同不值，不過我知道大家仍然會繼續中意我已經係對我最大嘅安慰。

由一開始參選只係想入final，到最後想搏盡佢希望有好成績，一切都自源運動員嘅好勝職業病。到而家一切都結束以後先發現，原來自己為咗成為大家心目中嘅香港小姐，無做到真正嘅自己。而家擺脫咗呢個框框，我會釋放自我，等大家可以見到真正嘅何泳芍！

雖然比賽結束咗，但係我想改變社會嘅心唔會變。我會更加努力俾大家睇到我呢個健康女仔活得有幾咁精彩。」

Honey第一句嘅英文意思係：「因此我閉上了眼睛，看到了舊的一面，並開啟了我的新心。」出post一個鐘已有2千多個like，唔少網民留言撐佢，戥佢入唔到三甲唔抵～有網民留言話「原諒我盲目咁撐你」、「『救近d果個』，真係答得好得體」、「支持你 你係我心中的港姐冠軍，期待你的幕前演出！」

本身係自由潛水教練嘅 Honey，平日大多上載運動時嘅相片，形象咁健康，難怪咁有觀眾緣～小編見到都好羡慕啊！

唔講唔知，原來Honey同冠軍陳曉華（Hera）都好老友鬼鬼㗎！

雖然落選，但之後如果繼續做幕前，機會應該唔少！相信呢個比賽只係佢哋人生中一個小小嘅磨練，等更多觀眾見到佢哋各有特色嘅一面，小編都好期待佢之後嘅發展呀～

圖片來源：Honey IG