練美娟爆MIRROR秘密！原來Edan最鹹濕？一個原因落閘拒絕同ERROR肥仔發展

憑ViuTV電視劇《大叔的愛》成功彈起的「娟姐」練美娟，早前上了網台節目《月傾會》任嘉賓，在主持人林柏希（William）不停追問，加邊玩遊戲邊傾計下，娟姐不停爆料話自己偏好大叔型，仲大爆《大叔的愛》的MIRROR成員中，Edan（呂爵安）、Anson Lo（盧瀚霆）同Stanley（邱士縉）的秘密！

娟姐大爆MIRROR秘密

練美娟不時與人氣偶像MIRROR成員合作，又一齊拍過劇，當然有料爆！主持林柏希問拍攝《大叔的愛》時Edan、Anson Lo同Stanley三個，邊個最孤寒、最小器同最多女冧？娟姐話：「最多女冧一定係Anson Lo，無論青春少艾定已婚人妻都鍾意佢，你知唔知連我表姨媽都好鍾意佢！」

至於最小器，原來係Stanley：「我可以講係Stanley，可能我同佢熟，佢成日都會對我小器囉！例如有嘢冇預佢，佢會話『又冇預我，娟姐』，不過我相信係因為佢同我熟，先會咁樣同我玩！」

不過，最孤寒娟姐就諗唔到人選，反而諗到邊個最鹹濕！「我覺得Edan最鹹濕！因為佢血氣方剛，我成日見到佢睇女仔嘅IG！我唔敢講咁樣係鹹濕，但係佢對異性係最有興趣！唔係鹹濕，但係成日睇女囉！」

落閘拒絕同ERROR肥仔發展

七師傅曾爆料，ERROR肥仔同音樂人伍仲衡都鍾情娟姐，如果二選一，娟姐又會點揀？估唔到娟姐直接落閘拒絕肥仔：「我只能夠講肥仔真係唔啱！我真係介意另一半矮過我！」

至於音樂人伍仲衡，娟姐就話有同佢交換電話，有講過約食飯，但因為大家都忙所以一直未約到。

單身4年偏愛大叔 最欣賞黃德斌

目前31歲的娟姐單身4年，問到其擇偶條件，她直言偏愛成熟型，喜歡大叔：「我諗我偏向成熟啲，小鮮肉嗰啲我一般！」林柏希直接問娟姐，如果有一個配對節目，有黃德斌、許紹雄同鄧健泓三個圈中男星會點揀，娟姐就話一定會揀黃德斌。就算用古天樂同黃德斌比，仍然心儀黃德斌。

想知娟姐仲有咩爆？即刻去片睇>>>