advertisement

MIRROR成員Edan呂爵安近日與隊友Anson盧瀚霆為電影進行拍攝工作,二人因翻拍港版《大叔的愛》,組合「田牧CP」而深入民心,二人齊齊去日本開工,不忘與日本原裝「大叔」的宣傳照合照打卡留念。豈料Edan於IG上載與Anson合照竟引來hater正面攻擊;Edan沒有迴避反而火速回應網民,因此贏得不少獎聲。

事緣日前Edan以港版《大叔的愛》主題曲《突如其來的心跳感覺》作背景音樂,並留言:「睇吓我哋喺日本見到邊個!!!係原版嘅大叔!田一雄X黑澤武藏X凌少牧 世紀合照 KK唔好呷醋 #買買吓嘢見到 #吉田鋼太郎 #如果可以同真人合照就正 #想見哂原版嘅真人 #KK我心中仍然有你的」

(圖片來源:IG@edanlui)
(圖片來源:IG@edanlui)

Edan與Anson Lo前往日本工作時,於便利店見到日版大叔吉田鋼太郎,於是來個搞笑合照。

港版《大叔的愛》部長 黄德斌 vs 吉田鋼太郎
黄德斌 vs 吉田鋼太郎(《大叔的愛》劇照)

 

Edan 近日與 MIRROR 隊友 Anson Lo 於日本拍攝電影《12怪盜》。

A post shared by (@) on

Edan與Anson Lo合照引出 hater 偉論:「得閒就學吓戲練吓歌」

Edan貼出與Anson Lo合照後,即引來hater留言:「得閒就學吓戲練吓歌,唔好浪費時間喺度炒CP啦,次次炒登神神教同爵group都嘈,你自己group mma冇所謂,唔好影響人哋先得㗎!」未想到Edan竟親自留言回應:「得閒就睇吓書同屋企人朋友傾吓偈,唔好浪費時間喺度話人炒CP啦,次次我po同佢嘅嘢都話炒CP,我係咪唔同得我朋友合照啊,你同你朋友去旅行會唔會po相啊,你自己諗多冇所謂,唔好意圖扭曲我做嘅嘢同控制我po乜先得㗎!」之後,呢位網民就問Edan係唔係說中了,Edan再回應話:「回應你就係說中了?咁你玩晒㗎喎」。

A post shared by (@) on

 

延伸閱讀 >> 《大叔的愛》比併 Mirror有機會打入日本市場?田田約會造型跟足日版田中圭?

Hater 態度軟化 Edan 乘勢表心跡

呢位網民又繼續留言:「咁我就講多少少自己感受,你知唔知cp呢個issue 成日令到粉絲之間嗌交,佢哋嘅over FF(有啲直情熄電視三級,好過份)同兩派CP粉嘅爭寵令人心煩,可能你只係純粹想分享同bro嘅日常開心事,但次次見到兩個群組鬧嚟鬧去都令到好多人唔開心。如果我講嘅語氣冇禮貌左我可以道歉,但希望你明白我想表達乜嘢。」

見這位hater態度軟化Edan亦有繼續回應:「咁嘅語氣咪大家都舒服啲囉,絕對歡迎你道歉。咁順便我都想問多少少,你係咪認為你所講嘅OverFF、爭寵、嘈交全部都係我嘅責任?如果係,你覺得我應該點樣做去解決呢?」

MIRROR 人紅是非多,隊中成員亦少不免成為攻擊對象,今次 Edan 將火爆流言轉化為理性討論,於 fans 之間贏得不少掌聲。事實上 Edan 自出道以來是非不斷,更經常引來負面報道與負評,而他採取的態度是不逃避正面面對及親自解話,其高EQ認對往往令大事化小、化險為夷,化解了潛在的公關災難。

(圖片來源:IG@edanlui)
(圖片來源:IG@edanlui)

Edan 高 EQ 回應事件 (1) :化解「睇MIRROR COLLAR 死全家」惡毒詛咒

(圖片來源:IG@edanlui)
(圖片來源:IG@edanlui)

去年中《百萬同居計劃》照翻,呂爵安貼出自己與有份主演此劇的黃德斌的合照並寫道:「前排做嘢撞到哩位人兄,嘩!咁似同我一年前拍《大叔的愛》嗰個KK嘅!既然咁似樣,緊係即刻集返個郵先啦。I miss u ah KK」,竟引來網民惡毒留言:「睇mirror、collar 死 全 家!!!一定會!!!」結果引來Edan親自回覆:「咁如果唔會呢」並加上一個流淚emoji。粉絲們都即時大讚Edan高EQ兼有霸氣。

 

延伸閱讀 >> Edan 呂爵安首播後感性出po 網民評價有讚有彈:唔睇字幕完全聽唔到

 

 

Edan 高 EQ 回應事件 (2) :《I SWIM》被批評咬字不清 回應網民負評

(圖片來源:《I SWIM 劇照》)
(圖片來源:《I SWIM 劇照》)

去年 7 月 呂爵安再於電視劇擔正估主角,於《I SWIM》飾演泳隊隊長李馬榮,但有網民直接批評劇中演員咬字不清:「真心唔睇字幕八成都聽唔到你講乜,唔好喺自己個同溫層自己沾沾自喜,咁樣點行演員嘅路,係,係好努力,無人否認過,但做得唔好就係唔好。」呂爵安收到留言後親自回覆該網民,表示:「放心,我全部都睇到的,多謝你們意見,會繼續改善!」