劉馬車控訴花姐要求自己扮癲佬？揭《全民造星5》內幕 網民：劉馬車繼續拍番癲野比較好

香港網絡紅人劉馬車一向以脫軌行為出名，他早前刑滿出獄，即更新個人YouTube頻道，早前宣佈自己將會參加ViuTV《全民造星5》，可是劉馬車最後並沒有入圍94強名單。近日，劉馬車就上傳了一條崩潰大哭的影片，片中公開了是次《全民造星5》的驚人內幕！

劉馬車出獄想做歌手

A post shared by (@) on

相信香港人不會不知道誰是劉馬車，在2020年6月，他曾因為在深圳酒吧「撿屍」，被判強制猥褻罪，判處有期徒刑3年6個月。出獄後劉馬車一直有心以歌手出道，頻頻上傳自己唱歌的影片，又向網民預告自己將會參加《全民造星5》。

劉馬車揭面試內幕

不過，劉馬車近日上傳一條名為「馬車崩潰了」的影片，在片中以一貫誇張的風格激動地分享與花姐和ViuTV高層的對話：「我去《全民造星5》特登走到去電視台嗰度，即係自己去毛遂自薦，希望話俾機會我呀。咁但係ViuTV嗰度，阿花姐嗰啲，導演高層啦，就喺度笑我話『你算啦，嘩你真人幾正常㗎喎，你咁樣咁正常無意思啦，係咪呀。你如果痴線啲我哋或者都會考慮畀你入圍， 係咪呀？即係你上吓嚟，喂我哋電視有啲gimmick呀，即係可以吸引多啲人，如果你正正常常上嚟唱歌跳舞呀，使鬼要你咩！你又唔係靚仔，你白卡嘅，你就係一個痴線佬，你就應該做返人哋想你做嘅嘢！」

劉馬車一度激動得聲淚俱下，看上去非常傷心。

之後他又邊哭邊控訴花姐要他揚癲佬：「原來我想正正常常做啲嘢係唔得㗎，人哋就係好似ViuTV呢啲，就係話想睇我痴線呀，要我痴線先有人睇呀，係咪真係好可憐好可悲呀？覺得自己要去癲，要去痴線，要去鬧人哋，要去糟質自己，要做呢啲嘢人哋先會肯俾機會我上電視。咁我依家唔想做呢啲嘢吖嘛，我想做一個正路嘅人，做返啲自己真心想做嘅嘢，但原來就係唔得，人哋想睇你癲，想你行返回頭路，最好睇你又坐監喇，又俾人打喇，死咗去咁啲人就開心。」

網民對劉馬車意見兩極

不少網民在看完這片後，意見都比較兩極，一部分人表示支持他繼續努力：「唔好去抱怨，男兒有淚不輕彈，最重要係你想成為點既一個人， 你要做偶像， 就要相信自己有一日會做到 ， 並好好努力」、「求人愛你，不如學習愛自己，唔好放棄自己」。

另一部分網民則認為他唔抵可憐，只是慣了用這種技倆來搏同情：「熟悉既對白，熟悉既場景，照咁睇，下一步又準備衰11， 馬車哥加油！」、「短短21分鐘嘅YouTube影片馬車將『怒哀樂』完美咁呈獻喺裏面，隔住個mon都feel到嗰種壓迫感，唔洗多餘嘅背景，馬車就用演技將情緒完美發揮得淋漓盡致」、「你嘅套路都係3步曲：發癲/搵著數，扮喊/扮道歉，講感性說話/講點做人.... 無限重復又重復」。

也有網民表示想繼續看劉馬車拍類似的癲喪題材更好：「認真覺得你繼續拍番癲野比較好，起碼呢條路線你係最top，受眾一定係睇你，你拍其他野，例如唱歌，大把專業唱歌youtuber啦」。