《毒舌大狀》｜網民搞笑估 8大「原版林涼水」 周星馳同劉青雲最多人揀！姜濤、楊明都獲網民推舉成候選人？

由黃子華主演的賀歲片《毒舌大狀》成績超好，榮登今個農曆新年票房冠軍，上映6日已經突破4千萬票房。劇中，其他演員的表現都十分亮眼，而主角子華神更演活了「毒舌」律師林涼水，不過，早前子華神自爆林涼水這個角色，本身並非屬意由他主演！對此，有網民於環球膠報Facebook專頁以「子華神自爆《毒舌大狀》角色係執二攤，咁如果林涼水唔係子華神會唔會係姜濤做？」發帖，討論究竟誰才是導演原本屬意的林涼水，當中不少提名都創意滿分，令人啼笑皆非。

網民估《毒舌大狀》原版林涼水人選1：周星馳

周星馳亦有份上榜，網民說：「當然係算死草周星馳，從來黄子華d 所謂創作，靈感，演技都係執星爺二攤，人地小強佢又小強」、「我都覺得毒舌本質上同當年何歡案有d似」。

網民估《毒舌大狀》原版林涼水人選2：陳百祥

陳百祥曾演多部經典電影《唐伯虎點秋香》、《精裝追女仔》等，搞笑形象深入民心，後期又以主持人見稱，故被不少網民推舉為原版人選：「佢完美演繹點樣奶契弟呢個角色」、「我覺得由咩都睇唔到、唔關佢事嘅人做，應該好好效果」。

網民估《毒舌大狀》原版林涼水人選3：劉青雲

有網民估劉青雲是原版林涼水：「劉青雲應該更好」。不過，另有人認為由他演的話新意不足：「佢做主控仲神似啲喎」、「唔好啦又劉青雲…」。

網民估《毒舌大狀》原版林涼水人選4：楊明

有網民搞笑指出剛因不小心駕駛判入獄18日的楊明是原版林涼水人選：「梗係對監獄，法律同法庭最熟識嘅楊明啦」，更獲得164個讚好。有人指他似演廖子妤老公多啲，有網民回應：「身份都似呀，男方嫁入豪門」。

網民估《毒舌大狀》原版林涼水人選5：鄭中基

口材了得又演戲經驗豐富的鄭中基也榜上有名：「除咗子華神，其實暴龍哥都唔錯」，不過，有網民指出有鄭中基的演出可能會變成搞笑劇，另一位網民笑指：「又唔好咁講，話哂暴龍哥都做過暖男爸爸嘅。」

網民估《毒舌大狀》原版林涼水人選6：姜濤

樓主指出狀原版林涼水人選會不會屬意姜濤，下面即有留言表示：「下。姜濤做啲觀眾會唔會聽唔明對白既」，另有人認為姜濤年紀太細，未必消化到林涼水充滿轉折又矛盾的內心世界。

網民估《毒舌大狀》原版林涼水人選7：陳豪

陳豪曾於《法外風雲》 中飾演能言善辯又風趣幽默的律師，加上他曾以大律師形象接拍了喉糖廣告，當中他因多次走音叫出「法官大人」令人印象深刻，網民表示想聽到他再說「法官大人」。

網民估《毒舌大狀》原版林涼水人選8：林海峰

也有很多網民估林海峰是原版人選，因為他演的《正義迴廊》亦十分標青，網民認為其中一個他演林涼水的原因是角色重覆：「如果唔係有《正義迴廊》朱玉在前，可能已經演咗林涼水」。