advertisement

每次黑眼圈深咗少少,朋友就會即刻問:「喂!你做咩唔瞓覺啊」...... Come on!黑眼圈嘅形成可以有好多原因,當中包括鼻敏感、遺傳、皮膚太薄,甚至係天生㗎!唔只我同你,就連范冰冰、Angelababy同陳凱琳都受黑眼圈困擾,其實有黑眼圈的確會令人眼起來冇咁精神,依家要解決黑眼圈問題其實除咗化妝、醫學美容等方法之外,從日常飲食之中亦可以減輕黑眼圈嘅情況,一於由依家開始「食走黑眼圈」啦!


很多人都聽過綠茶有抗氧化作用,對女士很有益。但其實綠茶同樣有去黑眼圈功能,由於綠茶含有一種名為多酚嘅元素,除咗可以抗氧化之外,更可以減輕疲勞感同改善黑眼圈,可算得上係女士恩物!


芝蔴同樣有好多美容功用,當中所含嘅維他命E可以滋潤眼球同眼部肌膚,換句話說對消除黑眼圈絕對有效!唔鍾意食芝蔴嘅話,可以揀同樣有豐富維他命E嘅食物,例如花生、合桃等,都一樣有效㗎!

檸檬有豐富嘅維他命C,可以中和皮膚嘅黑色素,有很強嘅美白作用,對於消除黑眼圈好有用!日常可以多飲檸檬水,但想減肥或健康,可以試吓唔落糖!不過記得唔好直接將檸檬用來敷眼,因為有皮膚醫生話過,呢個方法毫無根據,仲分分鐘會引致皮膚敏感㗎!

紅蘿蔔中含有極豐富嘅維他命A,除咗係有助提升視力之外,同樣可以維持上皮組織正常機能,改善黑眼圈同眼袋問題,想去黑眼圈就要食多啲啦!

如果想多管齊下,以下介紹幾款去黑眼圈產品,絕對可以擊退熊貓眼!

DR KENDRICK Eye Tight Laser Serum (HK$428)
LA BIOSTHETIQUE Anti-age Traitement Contour (HK$650)
HELENA RUBINSTEIN Re-PLASTY AGE RECOVERY EYE Strap (HK$1,580/15ml)
BIODERMA Hydrabio Serum (HK$398)