advertisement

雖然好多人送禮嘅時候都會諗起香水,但若然揀唔啱,送完分分鐘仲衰過唔送!因為香水嘅氣味間接反映出一個人嘅性格,唔符合自己一貫風格嘅話,就算聖誕節收到再多香水都冇用。今次就教大家送香水嘅小貼士,跟著呢個步驟去搵支啱對方嘅香水,等大家唔使成為「送禮勤」!

Rule #1 飲食習慣
冇錯,根據一個人嘅飲食習慣,的確可以幫你揀支啱對方嘅香水!若然對方平時比較鍾意重口味,例如麻辣火鍋、飲紅酒等,可以為佢揀支同樣氣味較強烈嘅香水,例如含有木調或極珍貴嘅沉香等。相反相若然對方係甜品愛好者,相信對於香甜的果味及雲呢拿味絕對不會抗拒!


PENHALIGON'S The Bewitching Yasmine (HK$2,400)
TOM FORD OUD FLEUR (HK$1,850/50ml)

Rule #2 衣著品味
對方嘅衣著品味絕對係你需要考慮嘅條件!如果對方多數以淺色衣著為主,如白、米白、淡粉紅等,可以為佢揀以橙花、茉莉等作為主調嘅香水,因為呢類香水比較清香,氣味不會過重,同簡約嘅衣著好夾!若然對方衣著相對成熟,並以深色系為主,則可以選擇玫瑰、 麝香等氣味較濃烈嘅香水。就算唔係送俾人,日常配搭都可以跟呢個方法,為自己配搭一支合適嘅香水㗎!

ACQUA DI PARMA Note di Colonia (HK$3,560/150ml)
TORY BURCH Bel Azur (HK$970/100ml)

Rule #3 睇性格揀包裝
如果真係不知道對方嘅喜好,就憑感覺揀出最啱佢嘅一款啦!若然對方處事爽快又有個性嘅話,不妨選擇瓶身設計相對簡潔又型格嘅香水。相反,日常相處已經感受到對方屬於溫柔體貼嘅類型,就可以揀支設計較女性化或者較夢幻嘅香水,就算味道真係唔啱,瓶身設計夠靚收到果刻都一定好開心!

YSL LE VESTIAIRE DES PARFUMS #SAHARIENNE (HK$1,950/125ml)
LALIQUE MON PREMIER CRISTAL #LUMIERE (HK$6,290/80ml)

溫韾提示:LALIQUE呢支香水由於瓶身以水晶製造,所以定價較高,送俾人你會唔會「肉赤」先!