advertisement

踏入11月又係時候俾自己有個藉口購物,因為半年一度俾大家銀包大出血嘅SOGO Thankful Week又來啦!想買最抵最正嘅產品,唔係「盲掃」就得嘅!今次就同大家開心share,教大家用兩餐飯嘅價錢買至抵嘅化妝品同護膚品,以下樣樣都唔超過$400,一齊來精明掃貨啦!

護膚品系列
護膚品一直屬「貴價之選」,但喺「掃貨週」唔同品牌都紛紛推出多款限定優惠,有啲更高達6折優惠,快啲mark實心頭好去掃貨啦!


IPSA 亮肌柔膚組合,包括:亮肌柔膚水 150ml、更生活化乳液 30ml、潔面旅行裝 25ml(HK$300)
呢款產品抵買指數絕對係滿分!因為當中包括皇牌產品「亮肌柔膚水」,保濕之餘更能夠去角質,原本一瓶已經要$300,這次用相同價錢除咗買到柔膚水之外,仲有埋lotion同旅行裝潔臉產品,唔掃貨真係對唔住自己啊!提提大家,呢款產品11月10日(星期五)Thankful Week開幕當日喺銅鑼灣店限定發售,千忻唔好去錯地方!

KANEBO Susai 酵素洗顏粉套裝(HK$300/3 packs)
人人去日本都必掃嘅洗臉粉,今次都有優惠,而且更高達67折啊!呢款洗臉粉有效去除黑頭粉刺,同時保留肌膚的水份,難怪咁搶手!呢款產品喺銅鑼灣同尖沙咀店都有出售,大家不妨大量入手!

AVEDA dry remedy™深層滋養套裝,包括:dry remedy™水漾滋養修護髮膜 150ml、dry remedy™水漾滋潤頭髮精華2份 3ml 、深層保濕水份面膜 7ml(HK$390)
除咗臉部護理之餘,頭皮護理都一樣好重要,不如趁咁抵買啲皇牌產品試試!Aveda呢set產品好助滋潤秀髮,啱晒秋冬使用!想買嘅話記得mark實日子,1110日至19日去尖沙咀店就買到啦!

彩妝產品系列
一到感謝祭,唔同品牌都會推出好多限定優惠,平時唔捨得入手嘅,一定要趁呢個好機會掃貨啦!

HELENA RUBINSTEIN LASH QUEEN 墨黑濃密睫毛膏套裝,包括:墨黑濃密睫毛膏(防水配方)、純淨活肌潔面泡沫20ml、全能眼部卸妝液50 ml、全效逆齡修護眼霜3ml(HK$330)

係入手就快啦!皆因呢個貴婦品牌,唔係成日有優惠,今次呢set眼部產品套裝真係抵到爛,平時淨係睫毛膏都唔止呢個價,今次仲要有埋眼霜、卸妝液,相信一推出就會被搶購!不過要記住,呢款產品淨係喺11月12號於銅鑼灣店限定發售,想買記得當日早啲去排隊啦!

ANNA SUI星色美唇組合,包括:薔薇唇膏鎖色啫喱 8g、閃願星澤唇膏 3g、波希米亞之夜香氛組合香水 4ml、潤膚乳30ml(HK$298)
呢set套妝係低於半價,重申係低於半價發售!$300都唔使就可以買到唇膏唇彩之餘,更有埋迷你裝香水,除開每件產品只係$60左右就可以買到,抵買程度係5星啊!相信呢款產品好快俾人搶晒,不過係尖沙咀店限定,去咗第間係買唔到㗎!

Les Merveilleuses LADURÉE 迷你胭脂套裝,包括:宮廷浮雕迷你胭脂、翩翩舞者柔亮唇蜜、透澤美肌底霜 5ml、亮白保濕精華4ml(HK$360)
一向夢幻到爆嘅LADURÉE必定係少女們嘅搶購目標!呢款套裝絕對係編輯心水之選,因為呢個價錢已經一次過到護膚、底妝、胭脂同唇彩,包裝仲要一如品牌以往嘅夢幻風格。雖然全部都係mini size但可以俾大家帶出街補妝!想買嘅話記得要喺11月20至26日入貨啦!

RMK蜜粉底妝套裝,包括:蜜粉、水漾隔離霜15mL、粉底液3mL、潔面膏30g、 磨砂潔面膏7g(HK$390)
RMK嘅蜜粉一向有棒場客,今次超抵套裝以41折出售,蜜粉加粉底同其他潔臉產品一共5件items都唔使$400,擺到明買完都唔會肉赤!不過呢款套裝只係喺感謝祭part 1,即係11月19號前喺尖沙咀店發售,要買就趁手啦!

 

香水系列
香水嘅包裝一向出色,今次亦同樣推出好多限定套裝,款款都有靚又實用,就算唔係自己用,買來當聖誕禮物送俾人都好啊!

LANVIN Modern Princess香水套裝,包括:EDP 香水30ML、香味潤膚乳50ML(HK$390)- 尖沙咀店限定

PRADA Candy Florale 香水套裝,包括:EDP香水20ML、香味潤膚乳75 ML(HK$325 )- 銅鑼灣店限定

REPETTO 淡香水禮盒套裝,包括:淡香水50ML、香味潤膚乳100ML、光澤指甲油 - 兩間分店均有售

掃貨小提示:
唔同品牌喺兩間分店所推出嘅優惠都可能有唔同,有啲更可能係指定日期嘅限定優惠,為咗有效掃走心頭好,大家記得做足功課啦!