advertisement

無論3歲定80歲,係女性都一定會貪靚!V臉、美白、去黑眼圈幾乎係每個女仔係願望,但其實用唔同嘅化妝品、護膚品幫自己變靚啲之外,原來一啲天然嘅按摩手法都可以幫你解決美容問題!今次請來美女中醫楊明霞同大家介紹幾個穴位,日日按不但可以去水腫,仲可以幫你美白同去黑眼圈㗎!

想瘦臉就聽清楚楊醫師嘅教學,按壓喺臉上嘅四白穴、巨髎穴、地佔穴同頰車穴,可以加強臉部血液循環,改善臉部浮腫,對V面好有幫助!如果你有雙下巴嘅煩惱,可以接壓下巴位置嘅廉泉穴,日日持之而行,雙下巴好快會消失!


黑眼圈係好多女士嘅惡夢,想減淡黑眼圈,可以按壓攢足穴、魚腰穴同絲竹空穴,楊醫生仲話平時成日用手機電腦,雙眼過度勞神,按壓嘅話可能會覺得痛,建議大家要適時俾對眼好好休息啊!唔講唔知,原來按壓穴位更加可以幫你美白,四白穴顧明思義,可以令你四面都白(雖然聽落有啲搞笑,但係楊醫師講嘅),所以只要每日按壓四白穴,自然可以減淡臉上色斑和黑色素,幫肌膚美白啊!