這10個品牌的潤唇膏,你有在用嗎?消委會指保濕功效相若,價錢相差3倍

終於都踏入秋天,化妝袋裡面點都要常備一支,但知唔知點先為只一支「好」嘅?以為貴嘢就一定係好嘢,咁你就錯喇,近日消委會就有調查指出,價錢同功效唔一定成對比,平價一樣可以性格比高。

消委會測試10款本港市面有售的,包括:Dr.  Hauschka、LUSH、Cattier、Melvita、APIVITA、Dr Organic、BURT’S BEES、Caudalie、EOS以及lavera,發現該10款非礦物油類的保濕程度全屬中等,總評以5分為滿分,各有5款獲3 .5分及3分,但售價竟然相差3倍!

最平嘅係只需39元的lavera,保濕程度同另一個品牌Dr. Hauschka(160元)一樣,原來平嘢都有好物,以後大家又多個選擇。

除咗保濕度,香港天氣潮濕,唔少人都有唇部敏感嘅問題,揀都要小心啲。今次調查就指出,喺10款本地有供應的樣本中,LUSH同Dr.  Hauschka分別標示含有6種同10種可致敏香料成分,而10款樣本中只有BURT’S BEES標明含有羊毛脂呢種會令部分人產生皮膚不良反應嘅成分,以後揀記得睇清楚成分表先好買喇!