Tsum Tsum嘩鬼出動!萬聖節迪士尼護唇膏、指甲油

雖然唔知今年嘅秋冬季幾時到,但潤唇膏對同小編一樣四季都好dry嘅人士嚟講,係每一日都好重要~今次就介紹呢粒Tsum Tsum「大頭仔」版護唇膏俾大家,傻頭傻腦嘅模樣超級萌!

仲有一段時間,但Tsum Tsum嘅一班嘩鬼們已經換上服裝喇~米奇米妮化身萌萌吸血鬼小情侶,連黑魔女、庫伊拉、烏蘇拉都加入一齊扮鬼扮馬(其實都好似都係着返自己衫)

成日出搞怪造型護唇膏嘅LIP SMACKERS,今年嘅版Tsum Tsum潤唇膏,唔單只外型可愛,仲有好多味道可以選擇,除了有野莓、葡萄、紅絲絨,仲有手指餅乾、酸捲捲條軟糖,啱晒同樣鍾意搞怪嘅你!

長出吸血鬼牙嘅米奇,同戴上圓點點南瓜色蝴蝶結嘅米妮實在太可愛喇!

除咗唇膏,烏蘇拉、黑魔女、庫伊拉呢3位嘅「壞女人」仲有推出指甲油系列,分別各自嘅代表色,加上金屬光澤質地,襯晒今年嘅造型!

圖片來源:lipsmackerbrand @Instagram