advertisement

噚晚啱啱選完港姐,三甲分別為冠軍5號雷莊 、亞軍1號何依婷、季軍4號黃瑋琦,而喺初賽呼聲最高嘅大熱門8號伍樂怡(Kelly Ng)就落選,最後喺「bbc落選香港小姐競選」分得一個豬肉獎—「最誘惑TVBody獎」,令網民大呼失望!

不過Kelly就好正面,今早喺Instagram貼了一張相片,相片上可看到”Life is like riding a bicycle, to keep your balance, you must keep moving”的字句 ,佢仲話:「一大早起來看到很多窩心的留言和信息,好多謝大家一路以來的支持。❤這趟旅程總算完滿結束了。雖然未能獲獎,但對自己整體的表現總算有所交待了。能有這機會穿上這麼華麗的晚裝,感受過台前幕後的所有,認識了這麼多朋友,還得到了支持我的人的認同,我已經好滿足。 人生就是要不斷這樣為自己迎來挑戰才有趣味。我都好期待為自己人生繼續寫上精彩的故事,Love you all !」

個post短短兩小時已經有逾千個like,網民紛紛留言表示支持,仲話:「如果今年都係民選港姐你早就入3甲,可惜今年唔係觀眾選!」、「您已經是我心目中嘅冠軍,加油!」、「No matter what the result is, the biggest gift you have gained is our support」,雖然今年就失落三甲,但得到咁多網民嘅心心,即刻抵返晒啦~

其實Kelly早喺初選嘅時候憑住一副五官標致加上少少混血味嘅面孔,被冠上「翻版李若彤」之稱,舉手投足都散發住仙氣,笑容自然甜美,舉止大方端莊,唔怪得之得到咁多網民支持啦~雖然要變成混血兒呢啲真係要靠先天基因,但後天都有啲小秘訣可以教到大家嘅!快啲打開化妝袋一齊學下啦~

  1. 深邃凹陷嘅眼睛

利用啡色系嘅眼影,在眼簾上漸層掃出層次,就能打造深邃嘅眼型。

  1. 迷人嘅淺色瞳孔

淺色嘅隱型眼鏡係偽混血妝嘅秘訣!戴上後眼神立即變成外國人風!

  1. 面部輪廓突出

要打造混血妝,陰影同光影一定唔可以懶!花多少少心思喺輪廓塑型上,就能夠擁有突出嘅輪廓~

  1. 立體豐厚嘅唇型

最後一步就係豐滿嘅唇型~利用唇線筆先勾畫唇型,再用唇掃填上啞色嘅唇膏,有助增加立體感!

圖片來源:ngkelly_ @Instagram