《無頭東宮》向海嵐傳回巢TVB?教你3招唔使換面都可以保持肌膚不老

要數TVB嘅經典奸角,又點少得《無頭東宮》中飾演換面皇妃嘅(Anne)?可惜喺08年嘅時候,佢就宣佈息影,不過Anne最近留港參演音樂劇《我和青天有個秘密》,仲傳出會回巢TVB,如果係真,對一班劇迷嚟講都係一個消息!

98年參選港姐嘅,飾演過唔少為人熟知嘅劇集,除咗《無頭東宮》,仲有《楊貴妃》、《胭脂水粉》,想當年小編都係撈住電視汁食飯,每一集都有追~離開 TVB 九年嘅Anne,當年每一個奸角角色都深入民心,令人睇得咬牙切齒,到今日都象深刻。講起傳出佢會返去TVB拍劇嘅消息,Anne早前接受傳媒訪問,就坦言無綫監製確實曾先後兩次搵過佢,但基於自己時間夾唔到,所以都推咗,希望下次再有機會合作!

雖然唔知仲有冇機會睇到Anne喺電視上嘅演出,但睇返今年已經43歲嘅Anne近照,真係唔覺得時間過得咁快!雖然事隔咁多年,但Anne嘅皮膚同以前一樣咁好,不愧為當年嘅「四料」港姐!其實隨住年紀增長,我哋嘅肌膚都要好好保養,特別係二十五歲之後,一齊嚟睇下以下幾個tips啦~

  1. 做足防曬措施

紫外線中的UVA和UVB是肌膚提前衰老嘅嘅兩大元兇!特別係UVA就係一種會折射進室內,深入真皮層嘅紫外線,唔單只會令皮膚曬黑,仲會令膠原蛋白受損,令皮膚衰老得更快。所以,無論幾懶,防曬都唔少得!

  1. 多運動

雖然好老生常談,但運動就等於天然嘅保養品,唔單只可以保持身體健康,仲可以加速新陳代謝,令皮膚變得年輕緊緻。現代人生活咁繁忙,但為咗靚,其實只要利用生活中少少時間,行多兩層樓梯,朝早起身做下仰卧起坐,就已經係好好嘅習慣~

  1. 唔好太常熬夜

好多人都知道夜晚係肌膚休息和調整嘅最好時間,特別係晚上11點到凌晨3點,係膽同肝呢兩個器官嘅休息時間,如果太常熬夜,容易令皮膚出現粗糙、暗黃、斑點等問題,特別顯老!所以記得要有充足嘅睡眠,肌膚就可保持年輕啦~

圖片來源:TVB