【慎入】外國Blogger一年唔剃腳毛!背後原因令人感動

一到夏天,又係剃毛刀出動嘅時間,為嘅都只係可以露出光光滑滑嘅美腿,可以着短褲短裙,大show身材。但邊個話着短褲一定要剃腳毛?外國就有一位Fitness Blogger大違其道,唔剃腳毛不特只,仲要足足留咗一年毛毛!究竟佢受咗咩刺激要自暴自棄?

原來呢位叫Morgan Mikenas嘅Blogger,細細個俾人笑佢條飛毛腿,大個之後覺得唔應該因為社會對外表嘅既定印象而去改變自己,所以決定唔剃身體上嘅毛髪整整一年,佢仲拍咗條片話俾大家知要學識欣賞自己嘅自然美,只要自己覺得舒服就得,佢表示佢男朋友好滿意佢依家嘅外表,依啲咪係真愛囉,除咗欣賞女朋友嘅外表,更重要嘅係內在。

依家Morgan Mikenas條片已經超過140K人睇過,各位女士睇到佢嘅經歷又唔使一齊陪佢留腳毛咁極端嘅,學識多啲欣賞自己,唔好太在意世俗嘅眼光,你嘅生活就已經可以開心好多!

圖片來源:i_am_morgie @IG

影片來源:Connor Eveland and Morgan Mikenas @YouTube