advertisement
圖片來源：互聯網
作為韓劇的熱血份子，小編重申：煲劇冇罪！錯，只錯在你走去當真。別說甚麼「人生如戲、戲如人生」，晒氣啦！當你清醒過來，就會發現種種劇情都是糖衣毒藥，正在毒害你的人生。唔想愈睇愈醜，除了唔好咁夜睇外，更要認清以下真相！
毒藥一 拍拖=食雪糕
拍拖係Sweet嘅！特別係身邊個男人又Man又靚仔，但唔使套套劇都玩食雪糕下話！若然你跟佢咁拍法，未甜死先肥死啦！
毒藥二 枕膊頭
男女朋友當然要互相依偎，但所講的是心靈上吧！如真係好似劇中主角咁經常性枕膊頭，出晒皺紋果陣睇你仲笑唔笑得出！
毒藥三 瞓覺唔落妝
為了保持上鏡靚樣，女主角才會帶妝瞓覺，你唔係又跟呀嘛？如此天真，一開眼等著你的絕不是男伴的情深眼神，而是毛孔閉塞、暗瘡、出油等等等等的問題。
雨水確實是氣氛的催化劑，甜又好、苦亦好，冇帶遮咪避囉！家陣空氣污染指數高企，俾帶酸性的雨水淋親，只會變成摧毀你的肌膚。
毒藥五 捏下巴
呢個動作確係夾雜住可愛同溫柔（呀……IU和李準基的一對除外），睇劇果陣又真係會心動嘅。不過，雙手多細菌又是常識，下下咁捏，下巴想唔生瘡都幾難！
