女性脫毛問題 – 覆Mandy


Dear Mae︰

你好,想問你一d 關於除毛o既問題,希望你吳(唔)會介意啦!

我本身07 年為o左脫腋毛去買o左枝V 字頭o既脫毛膏,o個枝o野係綠色o既,寫明o岩乾性skin 用。(我)好放心咁買o左返屋企,諗住應該吳(唔)怕敏感啦!而且要測試又怕麻煩,所以直接用o係腋下到啦,係按照說明書咁o既方法做,時間都聽佢講o既咁,仲特登成個鐘入toilet
度,怕超過時間。

點知o係我將d 脫毛膏用海綿(佢o個度俾埋o既,係比較柔軟o既o個面)搽曬成個腋下,仲怕搽太少無用,so 搽多o左。

隔左無幾耐,o係一邊沖涼o既時候,發覺腋下好痛,但就睇睇個時間,明明就未夠鐘,應該無事o既,so 我都係照等。

到差唔多時間啦,又因為痛得滯所以即刻用比較硬o個邊整甩d 毛啦!o係整走o既時候就更加痛啦!

之後用返比較柔軟o既o個面整,終於整走曬lu ,就繼續沖涼,雖然整完之後腋下都係幾痛o下,仲以為係咁o既應該係正常反應,都係無理到佢,o係第二朝早腋下真係好鬼痛,連放但隻手都覺得好痛同吳(唔)舒服囉!

而且過多幾日,d 毛毛生返出黎又「吉」又痛,摸落去仲好粗o添!腋下超「鞋」,不過d 毛毛生出o黎之後腋下就無再咁痛lu,慢慢好番。

我懷疑自己係敏感,所以先會咁痛,又可能因為當時自己又吳(唔)識搽返d body lotion, 所以都比較乾;可能係無搽o野o既關係等等o既原因,o個次之後無再除過毛啦,腳都係!不過又就o黎回暖,要著d
短袖衫,吳(唔)除毛係吳(唔)得o既!

所以想問o下你關於除腋毛同腳毛o既方法呀!吳(唔)知明星們係未都去做雷射除毛呢?因為佢o地個個腋下都係好怕(白)o既!不過我仲係學生,根本就無咁多錢去做!係呢,如果著泳衣o既話比堅尼位o既毛應該點除先o岩呀?就咁乾剃!?

Thanks!

Mandy


Dear Mandy︰

女孩子當然想自己全身的肌膚都光滑柔軟,手腳及腋下的體毛的確叫人苦惱,看到你所提及的脫毛經驗,極有可能是你對這款脫毛膏中的某些成分有過敏反應,所以用時有刺痛感覺和用後感到肌膚極乾。其實用一些高過敏反應的美容品(如脫毛劑、染髮劑及煥膚霜等)都必要做測試,即是在手臂位或耳背塗擦少量看看反應,絕對不可以偷懶的,這次就當是一個經驗吧。

說回你的問題,我相信坊間不少明星都會用激光脫毛的,事實亦是現今科技上較持久有效的脫毛方法之一,雖然價錢高昂,但效果極好。

仍是學生的你,當然不可以花上這麼多的金錢去做激光脫毛療程,你亦要緊記激光脫毛是有危險性的,切忌胡亂貪平找一間美容院就去做療程,否則容易弄巧反拙。

曾有一位女明星就因激光脫毛而灼傷了雙腿呢!而且因為激光每次只可以破壞一個生長階段的毛囊,而毛囊的生長期有不同階段,所以理論上要做多次療程才可以清除,切忌誤信宣傳做一次就足夠而浪費金錢。

其實一般用剃刀是既便宜效果亦不錯的方法,缺點就是不徹底要常常剃而已。最好找女士專用的剃刀,每次剃毛前可以蘸濕肌膚塗上潤滑品如肥皂液,然後輕輕刮走體毛即可以,連比堅尼位亦可以,每次剃完之後可以塗一些滋潤而有紓緩功效(如蘆薈)的body
lotion。

很多人誤以為剃毛會令體毛愈剃愈粗,這只是錯覺,只是有時剃刀平割了體毛,令毛囊尖被削走,毛再長出來時毛頭沒有尖的部分,看上來就像粗了而已。還有,天然蜜蠟亦是不錯的選擇呢!

Mae
Von



advertisement
Something is wrong.
Instagram token error.