advertisement

人人都鍾意去東京,因為港人於當地的行程很簡單,就是每天「食、玩、買」!今次編輯就飛到日本,同大家睇吓最近有咩美妝產品最抵買,一齊睇吓最近東京藥妝店有咩至抵買啦!

 

 

掃貨目標一:Wally香體噴霧
《Where's Wally》一向大有fans,今次喺日本見到佢嘅產品當然唔會錯過!呢款香體噴霧一共有4種香味,當中包括花香同爽身粉味,全部都散發淡淡清香,絕對唔會太濃!本來以為crossover產品實會定價好貴,但呢款原來只需要¥450,即是大約HK$32左右,值得入貨之餘,用來當手作送俾朋友都抵啊!
BODY FANTASIES Wally 香體噴霧 ¥450(約HK$32)

掃貨目標二:可愛動作香水棒
呢款香水棒一直大受歡迎,因為造型實在太可愛啦!最近呢個品牌更推出兩款以玫瑰香味作主調嘅香水棒,仲喺設計上用埋Flamingo同白鴿元素,又靚又有氣質!用法都好簡單,只要直接塗於身體上就可以,由於喺香水膏,所以會比一般香水更持久,大家去日本記得掃貨啦!
VENUS SPA 動物造型香水棒¥1500(約HK$105)


掃貨目標三:雙眼皮膠水連眼影
你冇聽錯,因為真係一次過可以滿足你兩個願望!日牌AUTOMATIC BEAUTY嘅雙眼皮貼一向口碑好,今次仲更上一層樓,將眼影加入雙眼皮膠水入面,等大家可以一次過完成兩個化妝步驟,勁省時間啊!用法都好簡單,只要將膠水塗於眼皮上,等到半乾就可以用附送嘅棒整出雙眼皮,效果真係唔錯㗎!
AUTOMATIC BEAUTY 雙眼皮膠水連眼影¥1200(約HK$84)