advertisement
你一定說過! 女人口不對心的6句說話
係,女人係犯賤。明明想講想做想要,又偏偏唔講唔做話唔要;明明嬲又扮唔嬲;明明係煩又死唔認。與其奢望男人化身你心入面條蟲,不如多引導他們想多一點點,解讀你話中有話的潛藏意思。以下6句說話,你唔係唔tag佢吓話?
1. 我無嘢……

不用想,這句說話肯肯定代表「我有事」而你有所不知!這個情況下,女方一係嬲爆中,一係傷心中,要決定引爆炸藥,抑或沉默是金,悉隨尊便。但無論如何,男方一定不可以離開。
2. 你去啦……

約了豬朋狗友,要留低女方獨自一人孤伶伶一個?約了女性朋友甚至ex?別以為女人可以如此寬容大方,一旦順她表面意思拍拍屁股走,後果將超乎你想像。
3. 我係咪肥咗?

十個女人十個都會話自己肥。最hurt係連最親密的人都嫌你肥!「肥」是每個女人的至命傷,這個問題答不得!建議男方宜聲東撃西,找方法轉移話題。
4. 我都唔鍾意收花

太貴了、不值得、不切實際、為你荷包著想……統統都是廢話!常聽到女方在結婚後說:「佢咁耐以嚟都係第一次送花咋!」收花那種虛榮和浪漫,其實每個女人都一直期待中。
5. 你好忙呀?

無論是甚麼語氣,這分明都是一個質問!「係呀、唔得閒」這些答案,0分重作!她正在埋怨你不理她了,為了任何大事小事而忽略她,都是你的罪過。
6. 不如分手啦

你會欣然接受然後頭也不回地走?錯晒!「分手」當然不可以隨便說,但一旦說出口,男女雙方都該有留戀,除非是你犯了大錯。以晦氣、賭氣的說話回應只會令狀況更差。三個字:「為什麼?」,將會是扭轉乾坤的開場白。