「不如辭左一份工去啦,我怕你辛苦。」
「唔得!咁咪儲少份錢囉!又要儲多幾年先結到婚。」
「我地慢慢儲囉,我會等你。」
「我知你好啦,所以更加值得我努力賺錢去快啲娶你。」
他向我報以微笑,我心卻有點痛,是否我給他太大壓力了?看到他這樣,我不禁有點內疚,我只想他健健康康,跟之前一樣,能多點陪我其實我也很滿足,何時結婚其實我也不介意,我只希望他能永遠陪住我就足夠。
「我想你陪我多啲呀。」
「對唔住呀,我都係為你好,我及早搵多啲錢,咁將來我地就可以過安穩生活啦係咪?」
「你有無諗過我需要嘅唔係錢?」
「點會唔需要呀?結婚又要錢,買樓又要錢,生活都要錢!唔好咁幼稚啦。」
「呢個唔係幼唔幼稚嘅問題,而係我根本就唔強求呢啲野!」
可能我的語氣太激動,連鄰桌的客人也被我的話嚇倒。
「咁你需要咩?」
他放下了餐具,直愣愣地望住我。
「我其實只想你開心,我覺得你依家好慘,你過緊嘅生活根本唔係你想過嘅,其實你如果係為我好,你更加應該做返你自己,如果唔係我驚會失去我愛果個你!」
沒錯,有時候伴侶為自己好,可是卻捉錯用神,你明白他的出發點的確是為自己好,但他為自己所做的,又是否真的是我們想要和需要的?
我知你愛我,我也當然愛你,但也希望你知道一件事,我可以甚麼都不要,唯獨你我捨不得放下,所以,變回從前的,回到我的身邊吧,我願意永遠等待你的。
FB / IG. Proiseof8
圖片來源:favim.com