「我和前男友一齊咗兩年，年頭分手。」
「我哋係同公司認識，咁啱嗰段時間我正在失戀，他不斷安慰我。慢慢，傾傾下，就發展咗呢段感情。」
「呢個男仔係初戀，但係佢俾到我一種好安全、好可靠、好特別嘅感覺比我，係以前拍拖未有過嘅感覺，和他在一起有種將來嘅感覺，好想一直繼續落去。」
「一齊咗大約一年嘅時候，他轉去新公司，好不容易由地下情捱到可以公開，以為可以光明正大。但當時又驚會影響到大家感情，畢竟他會接觸到更新鮮嘅世界。他承諾我所有嘢都唔會變，唔會隨波逐流，影響到我哋感情。但是上年年尾忽然為了一件小事而爭吵。他提出了分手，分手原因係性格不合，他想要自由而覺得我管束他。」
「分手之後嘅日子，彼此也沒搵大家。在個多月後，他再次聯絡我，彼此亦keep住聯絡，每日傾計，有時也會約出來食飯，大家也有少許曖昧的關係。」
「感情上的問題有所緩和，但一次自己衰衝動又和他再次鬧交。就此倆人關係急劇惡化，現在大家都冷淡咗，亦少有聯絡，去到近期已經近乎是我單方面抓他，而他並不會主動搵我。」
「去到這刻其實我好後悔那天咁衝動，如沒有那次的吵架，或者我哋仲係keep住那種曖昧的關係吧！」
「我發覺自己原來從來未忘記過佢，仍然愛佢，我想知道，我同呢個男仔係咪已經緣盡，有無機會復合呢？」
夏火為你占得一支兌卦變訟卦，兌卦為六沖卦，代表感情生活並不會是一帆風順，多有阻礙。
官星（男友）空亡，對方心態是已有離心。另官星坐初爻而你則坐六爻，亦表示倆人各走南北。卦中最致命一點是預視男方將來或有另一情人出現。
你雖有修補這段情之心，但無奈神女有心，襄王無夢！
（如有任何愛情難題想要占卦，可將你及伴侶的中文全名、生肖、感情故事及問題電郵至she.love.sex.channel@gmail.com，經挑選後可獲夏火免費占卦解答。）
文：夏火
Facebook：https://www.facebook.com/springfire16
圖片來源：LuciaLin@favim.com
