不知情下做了第三者

我的感情路一直都不太順暢。與前一任男友分手幾個月,身邊不乏追求者,都確實不需急著拍拖。直至兩三個月前遇上這個男仔由初相識無特別感覺,只是久不久同朋友餐聚會見到他;至後來機緣巧合大家都得閒又無聊,臨時約出來睇戲,由那時開始對他產生好感。因為本身與他不諗熟之後才知他有個Long D的女朋友。所以我與他經常一伙人見面,有時又兩個人睇戲食飯。
直至今天,我倆已經發生了關係,以我金牛座性格,我同佢講不如做返普通朋友;佢話對唯一知我倆關係嘅朋友講過佢認自私,兩段感情都想繼續。但話雖普通朋友彼此又再發生關係,情況還是不斷循環……我的確好鍾意佢,但亦知佢同女朋友已一齊好多年,我唔想無左呢個男仔(as a friend)嘅情況下,才想了斷呢段關係,因為我地有唔少共同朋友我真係唔知應該點做……
佢同我對上一個男朋友都係魔羯座,亦是我在不知情的情況下做了第三者,後來知道就分開,直至佢同女朋友分開又繼續。一直到最後分手,兜兜轉轉,發現感情已變質……
現在這個男仔,情況同樣是我做了第三者!其實我一直都無主動過佢約我我都盡量叫埋其他朋友,但係發生第一次關係後我就開始無辦法好好控制自己。
到今日我同佢一星期至少都見兩至三次面,有時只係食飯睇戲,我都無辦法搞清楚自己點解會咁做,我知講出來好多人會鬧我做第三者,我已經好努力控制自己,但每次佢開口問我可唔可以上我屋企我都唔識拒絕(因我一個人住)。而且有朋友同我講,其實開心就可,仲話可能有日佢會為我而同佢女朋友分手云云。我有時都好想有人鬧醒我……
解答:
我為金牛座的你占得一支雷水解卦,正所謂「解」鈴還須繫鈴人。卦中顯示你對魔羯座的他還有情在,然而你的心對這段感情已沒有寄以厚望,心存退意。卦中顯示這段感情往後是較難以開花結果,尤以今年農曆四月、五月份時感情會面對逆境,須多加留意呢!
(如有任何難題想要,可電郵至she.love.sex.channel@gmail.com,經挑選後可獲免費解答。)

文: