男人寧願擔心,都唔想你暪住佢


圖片來源:互聯網


經常聽到女友人向自己訴同一個苦。

 

「哎呀,果次我有個師兄追我,咁我又費時比男朋友知啦,唔想佢擔心嘛,所以就無同佢講囉,點知佢知道左之後,就嬲左我幾日啦!我明明係為佢著想,所以先暪住佢之!」

 

每次聽完之後,我都只會問佢地一個問題。

「咁掉返轉,如果你男朋友比個師妹追,佢同你一樣諗法,唔同你講,咁你又會有咩感覺?」

 

其實答案顯而易見,你地都會覺得自己另一半係有心暪住自己,你都係會嬲。

 

有時候我真係唔明,你又無比綠帽你男朋友戴,你又怕咩同佢講?

 

相反地,你堅決拒絕厹(狗公)既猛烈攻勢,而且願意坦白向另一半備案,唔係更加值得另一半去稱讚你同埋對你增加信心咩?

 

有時候「定心丸」唔係話有需要先派既,得閒無事派一兩粒,慢慢信心都會累積起黎。

 

有時候男人真係好似你地所諗既一樣,好幼稚。

 

佢地幼稚到,就好似小朋友咁,好鍾意一件玩具,所以唔會想同人地分享,想自己佔有,永遠都想件玩具係屬於自己,就算大個左,大掃除既時候都唔會想扔,仍然會將佢清潔好之後,放係自己床頭,陪住自己慢慢長大。

 

同樣地,其實佢地只係太愛你,所以唔想你暪住佢,想咩都知道,寧願擔心一時三刻,都好過唔知道究竟要面對住幾多個對手同埋伏。

 

雖然男人幼稚,但其實比你地想像中大器既,不如下次試下,主動少少,用一種閒聊既語氣,將件事講出黎呀,我相信大家都會舒服d既。