重量不重質的男人還要來幹嗎? – 覆迷失的人

興:

你好呀,我真的很好欣賞你對每件事情的分析,所以好希望你今次能給我一些意見。

我今年已經係年過31 的中女,出身小康之家,係戀愛中,我受過傷,所以今次再踏入戀愛,我時時提醒自己要做好一點,體貼一點。

我男朋友比我大3 年,佢戀愛經驗多不聲數,常常話自己對戀愛不再存有幻想,現在只想關係穩定,平平淡淡咁過。佢一早介紹我比家人認識,出席朋友活動也會帶著我,2年拍拖生活都到,大家開始以結婚為目標。本來是開開心心的事。

但近來開始發生問題,可能兩人行得太近,開始為柴米油鹽而煩,加上佢家發生巨變,心情變得極差,成日因少事發脾氣。我多關心,又會覺得我煩。

有一次,我地因一件小事意見不合,結果吵了幾句。當我心中自責自己不夠體諒之時,比我得知佢向我講大話,佢一方面指責我無理發脾氣,要少啲見面,免得再吵,但另一邊箱(廂),佢相約另一位女子去玩到半夜也不回家,但與我見面時隻字不提,如常的對我,比平日不同的是,我倆開始怕溝通,怕再次意見不合,一件小事,可以令他去找別的女人,如日後有大事,我倆又如何面對?

我認我怕再次係戀愛中失敗,所以很多時免得過就算,結果我地相聚時間越來越少,佢有好多女性自動埋佢身,佢亦會間唔中同呢啲女性談天,我知佢未必喜歡嗰啲女士,但佢係需要大量別人的愛來換取自己的存在感。我心痛到有如刀割,我自債(責)自己又再次處理事情不當,越想收(修)補傷口越大,好似一個惡性循環。

我想問下,係男人都是這樣,自己一個正印,帶去比親戚朋友見,另外再身邊幾個嗎?(明明係朋友又要親蜜咁互相稱呼)我係咪要接受呢個事實?

我可以收(修)補到嗎?佢對我的愛又係咪已經變咗質呢?

其實,我知喺佢心中我排行好底,我之上有、朋友、工作、家人。因為佢經歷太多戀愛,一早對戀愛變淡了,只要我行錯一步,我就會失去佢,要從頭再站起來,我可以點做呢?

我真的很亂,我們之間開始存在不信任,互不信任的戀愛要繼續嗎?

迷失的人

迷失的人︰

對每個男人嚟講,如果世俗容許,冇邊幾個會希望只係對住一個女人,帶去見親朋戚友係一個,拎出去威又係另一個,只係談心又一個,只係純上床又另一個……

理想,你想,想想也是罪,世上哪有如此便宜的事?

我擔心的是,如果你的男友是動輒就「需要大量別人的愛來換取自己的存在感」的那種男人,那麼今後他只會變本加勵,再芝麻綠豆的小事也可以成了他外出找其他女人的動力與藉口。今晚你太忙沒有回電所以他找其他女人去了,明天他跟你一言又合又跟其他囡囡玩通宵,你真的能夠容忍接納這樣的一個男人嗎?

跟你有什麼問題也好,也該兩人好好解決,而不該把戰線擴大,把兩人的小問題作為男人出軌的藉口。他事後隻字不提,就是打算繼續這樣對待你的最明顯証據,問題是你能自欺多久?

如果這一個男人,現階段需要很多女人,就算你做得再好,也只是一個女人,他重量不重質,你多體貼多賢惠也不管用。你年紀已經不輕,再浪費時間在一個如此不適合的男人身上究竟有沒有出路,你其實心知肚明。

找個把你放在第一位的男人,你的下半輩子將會不再一樣。

祝  退位讓賢

貽興