分手後也沒真正愛過 – 覆一個愛得好傻嘅人

貽興︰

希望你有時間幫我解答吓我嘅問題。

我個故事發生喺幾年前,我喺一個平台認識C 先生,當然大家都知大家嘅背景,最初都係傾吓計,傾傾就出嚟見面,之後就喺埋一齊。

最初真係開心,因為有一個人好關心同愛錫自己,自己好似變咗個公主咁,可惜呢段感情只係維持咗大半年,因乜嘢理由分手都唔知,當分開咗之後就發現自己真心咁愛上C 先生。

當時我好痛,成日都喊,一行過以前嘅地方個腦就出現返以前嘅景象,呢個感覺足足維持咗好幾年。

喺分手後幾個月,C 先生又開始搵返我,但我亦都無問C 先生當時點解唔出聲走咗去,我好傻咁以為C 先生掛住我先搵我,點知喺幾年後,我知道C 先行同咗另一個女仔一齊,亦都因為一啲原因,C 先生要離開。

喺C 先生走咗呢幾年,耐唔耐都有搵我,就好似朋友咁傾吓計,到上年C 先生提出復合,最初我諗住C 先生同我講笑,所以都無理會過(因為我無諗過有機會再一齊),最後喺你推我拉之下,又拖住咗,就係咁樣再次開始,不過今次嘅開始,我要面對嘅係,C 先生唔會長時間嘅逗留,可能一年只見到兩到三個月。我承認我咁多年都好愛C 先生,但你問我愛C 先生D 乜嘢,我都答你唔到。

我覺得愛一個人可以等就算分開幾遠,但中間點都要有溝通。我個問題出現了,初初分開頭一個月,我都好掛住好努力咁去維持呢段感情,但大家開始少咗溝通,電話又無傾,由一日幾個msg 變到幾日一兩句msg,有時仲零溝通。

本來我對C 先生由希望、期望,到失望,原因係最初C 先生同我講,返去一個月左右會返嚟,點知聲都唔聲,隔咗2 個月又話可能返,最終都係隔咗大半年先返,我由好熱情變得好冷淡。
 
我開始想放棄呢段感情,但又唔知點解講唔出口,只係減少咗搵C 先生,希望咁樣可以令大家都唔搵大家,但C 先生有搵我,不過我開始講大話,明明無掛住又話掛,明明好得閒就話自己唔得閒,我開始去逃避C 先生,何況大家隔住個電話邊句真邊句假都唔知。
 
我係咪應該主動去提出分手,定係繼續咁等待?最重要係呢個人仲值唔值得我去等?
 
好想你教吓我應該要點做,或者鬧吓我,等我清醒吓。
 
一個愛得好傻嘅人

一個愛得好傻嘅人:

你不是愛得很傻,只是很傻而已。你根本沒愛過。分手前沒有,分手後也沒有。

你根本就不知道自己要什麼,也不知道為什麼要愛,不過是為愛而愛,那個C 先生如果真是你當初失去了的時候那麼愛,怎麼可能輕易一再錯過?你又怎捨得忸忸怩怩根本不知道自己想幹嗎?

你不是因為失去C 而心痛,只是因為失去了才讓他自動升上神枱,把他神化,自製浪漫,煽情造作地自編自導一齣淒美偶像劇,硬把C 湊作男主角而已。你愛他什麼?他又愛你什麼?這種攝時間的「需要」,能稱得上愛嗎?

能輕易放棄的不叫愛,你不過是自私,因為C 不能配合你期望,就把他從神枱拉回來,質疑他是否值得,其實你又有沒有捫心自問,你又是否值得他為你回來?

很多人也跟你一樣,其實根本不知道自己想要什麼,也不知道什麼叫愛,不過是人有我有,《那些年》流行就硬在回憶裡找個人找段不很符合的經歷硬說成是自己的那些年,人人都有個放不下的Mr Big 你又給自己硬找個C 先生當作你的Mr Big,其實,你一切不過是小朋友玩泥沙,拉拉扯扯,你從未真正愛上一個人,也未被人真正愛過,你真正的病源,不過是以為自己真正愛過而已。

如果你年紀已經不輕,我勸你最好把看電視看垃圾偶像劇的時間省下來,腳踏實地學習如何愛一個人。

祝  懂得愛情

貽興