姣得無道理就不要姣了 – 覆無助嘅寶貝蛋

親愛的貽興哥哥︰

我識咗個比我細7 年既男仔,我哋有擁吻過。佢有講過鐘(鍾)意我,但當佢送我返屋企嘅時候,我不停撒嬌推開對方,叫佢路上小心。

我以為有把握冧到佢,我好主動咁揾佢,大家不斷what apps,但到有一日一大班朋友出嚟嘅時候,佢當做唔識我,完全無同我講嘢。一大班人䏲戲,坐係我格(隔)離,到臨散場先想拖我手,激死我喇。

表面上,我扮無事,仍然有同佢say hi,佢當唔識我,我咪當新朋友咁打招呼囉。但其實我好嬲呀,嬲到一返屋企就將對方fb、what apps del 晒XD(我只del 唔封鎖,想留一線比自己。)

過咗大約一星期之後,佢都無揾我。哈哈哈哈。我打去電訊公司度查通話記錄揾返佢個電話出嚟,再@返。然後send 咗句hey ~比佢,但沒有回應。

之後每日喺度䏲佢最後上線時間、status,自己亦每日喺度轉圖片同status。

如是者過咗兩星期,我唔知佢咁啱同我一樣無聊,有心定無意,我換嘅相,佢會換張差唔多嘅,例如:bb、用手指框住樣嘢。

但我諗我太心急喇,有日心情唔好,我就打幾個頭像,大概意思係:「約魚好眼瞓,就嚟變垃圾喇。」之後佢就無更新。

親愛嘅貽興哥哥,我唔要衰喺個比我細咁多嘅男仔手上呀,我亦唔想未確定佢心態前就先上床後談情呀。求下你,教下我,點樣先可以唔使舌掋(蝕底)之下得到手呀?我成日都左度右度,但都覺得好似唔work。

我自己本身個性好直接,其實我勁想直接飛撲埋去,成條蛇咁纏住佢,但係,蛇都會怕冷架。我分唔出對方係真純情,定係扮情聖呀。

無助嘅寶貝蛋

無助嘅寶貝蛋:

你的招數也不過是眼前見盡那幾招,他呢,卻是太極高手,連綿不盡,你一用力,他就消解無形,怎麼過招?你根本就不是他對手。

你欲拒還迎又好,你直接飛撲過去也好,最後結局也一樣。他根本不會待你認真。你也不是他喜歡到非你不可的哋步。如今他的心態只是,一邊跟其他更有興趣的調情,一邊有空釣你一下,看你上不上鈎,你不上,他也不愁沒魚吃。

你換些照片,他也跟著換,其實會不會是你多心?想太多?也許當中有一兩張是引你上釣,但你怎麼知道不會有其他是他用來釣其他女用的?反正港女頭像照來來去去那幾款,要中不難呀。

如果你真的不想衰在這男生手上,就別要再發姣了。你太姣,也太守不到寡,像你這種女生,就算脫光迎上,男人吃完也只會一腳把你踹開,繼續對你冷淡。你要作賤自己請便,但不要天真哋以為你吃定了他。人的年紀跟愛情經驗甚至智商不一定有關係,你比他大7 年,但你的智商彷彿比他還小7 年,算了吧。

發姣沒問題,不必自責,問題是姣婆還不著脂粉客,只遇著想吃免費餐的男人,你就一定蝕畀佢。你係咪真係想咁先?

祝  姣得其所

貽興