不愛就別再自欺 – 覆CC

貽興︰

我同男友拍了7 年拖,佢係我嘅初戀,我地冇同居,我知佢仲愛我。

佢之前失業2 年,成日在屋企打機,我叫佢唔好打機,要勤力D 揾工,男人冇咗份工,就冇咗尊嚴。佢話有揾,只係想借打機消除壓力。佢仲話我知佢壓力大到想跳樓,真係嚇咗我一跳。

佢冇工開過時,出去食飯都係我俾錢。因為佢話之前大多數係佢俾,而家佢有難, 我俾都好應該。我唔介意我俾,但由於佢冇嘢做冇錢嘅關係,我地好少出去拍拖,感情好似淡咗。
 
而加佢揾到工喇,雖然人工比我小一半,但好開心佢揾到嘢做。佢叫我去抽居屋,佢自己都去抽。佢話如果佢成功,就想同我即時結婚,去申請銀行嘅按揭(因佢人工低,銀行唔會批佢按揭)。仲表示我地結婚唔會擺酒,會旅行結婚。

我同佢講過,我唔想結婚住。佢問我點解時,我答佢唔想嘅六大理由。佢而家成日send d部(佈)置圖俾我,已經諗緊我地將來嘅屋要點部(佈)置,我覺得好煩惱同厭倦。
 
我係咪已經唔愛佢喇?再加上公司有其它人追我,我好心動。我知佢好鍚我,但我已經唔想同佢鍚同做愛。但我同佢咁多年感情,唔想就咁放棄,我驚之後揾唔返好似佢咁了解我嘅人。定係我貪新鮮,想試下同唔同嘅人

佢成日都話我份工係佢幫我揾,唔好過河拆橋。我同佢究竟點呀?好迷茫呀,請你幫下我!
 
CC

CC︰

你能否欺騙自己的心,但你欺騙不了自己的身體。

除非是經驗豐富、天生異稟的女人,否則大部分女人還是無法把身體和心分開。你接不接受這個男人,你是否仍然愛這個男人,你的心也許可以輕易蒙蔽,找來各種現實理由分析自欺,但是,一個你已經不愛了的男人,你身體的反應卻很直接,你騙不了自己,他吻下來的時候你會想避開,你會皺眉閉目,似忍受多於享受,這些反應,都在清楚的告訴你,別再裝了。

堅信自己值得一個更好的男人又好,承認自己貪婪虛榮又好,就別再諸多藉口了吧,不愛一個人沒有罪,感情淡了或者到了某階段你發覺你需要的已經不再一樣,你已經成長了,他卻沒有,都沒問題,但你已經不愛一個人,卻繼續隱瞞欺騙,逃避拖延,卻是不可饒恕的大罪。就算已經不愛了,畢竟他也是跟你一起了這麼多年的人,而他正興緻勃勃籌備婚禮,你就更加不該拖下去,坦白告訴他你需要的已經不是這些,及早分開,對大家都好。

如果你是個有良心也有交帶的女人,就忍耐一會,跟他後,再考慮其他追求你的人吧,不然,你就真是個貪慕虛榮、勾三搭四的賤婦,屆時被揭穿被唾罵被眾人鄙視,你也是活該,就別埋怨誰了。

勇敢一點,別累人累己,你可以的。

祝  勇於爭取

貽興