盡情恨夠就能釋放 – 覆Apple

你好,我有一d 愛情上既問題困擾左我好耐。

我同初戀只一齊左二個幾月,分咗手差唔多1 年半,我而家同第二個男朋友一齊已經有半年了,我偶然仲會諗起初戀嗰個,一諗起我就好憎佢。

自從同初戀嗰個,我覺得自己係性格上變得好奇怪,好易小氣,好易妒忌,好容易感到不安。我而 家只係喺Facebook 見到男朋友讚d 女仔朋友嘅大頭貼,我都會覺得好不安,好無安全感。

我點樣先可以放低對前度嘅憎恨?我點樣可以令自己唔再憎佢?

一諗起我係由心而發憎恨佢,我好辛苦,而家嘅我同以前嘅我真係好唔同,以前無論幾糟,我都會提醒自己要重新振作,之後過一段時間就無嘢。但呢個困擾已經困擾咗我一年多了,我點樣先可以放下執著唔再憎佢?

我同而家嘅男朋友,我就好似做唔到之前嘅大方,因為我很害怕失去。

希望可收到你的回覆,謝謝!

Apple

Apple︰

你那麼憎恨前度男友,我的建議是,盡情去憎他。

不是叫你派殺手去殺他,而是,你需要允許自己完全釋放你對他的情緒。

合上眼,讓他的臉浮現在你心中,然後,你盡情去憎吧!

你在心中罵他、打他、咬他、糟質他……你在心中盡情發洩對他的恨意。

有人可能會叫你做相反的事,那就是原諒。

我都會叫你原諒他,但在成功原諒他之前,你必需全然地清理你對他的恨意,要不然,你不能成功去原諒。

有多憎恨就去憎恨,這就是「內在誠信」。

不要扭曲自己的感受,不要勉強自己去原諒他、愛他、為他的惡行找藉口。

憎就憎,有甚麼問題?

做人,敢愛,也要敢恨。

每日,找時間合上眼睛,讓他自然浮現在你心中,你想對他說話、漫罵、嚎哭都無問題,最緊要的是,藉著這種做法,清除走那大堆遺留在你心中的恨意。

你容許你去全然感受對他的恨意,那麼,不久將來的一天,你就發現,你恨夠了,想起他,你不會有感覺。

到時候,你的心被清理完畢,就能自然地流露出正能量,你會更能去愛和被愛,你會覺得,你已驅走了心裡的負擔。

至於其他負能量,例如不安全感、恐懼、小器……都能以同樣的方法清理。那就是,合上眼,讓自己盡情去感受以上種種的感覺。

他們常說「放下」,放下的先決條件就是「盡情感受和釋放」。