愚蠢是沒有底線的 – 覆Milly

貽興︰

我同他是係初中同學,我們初中卻無喺一齊,又講唔上係太熟的關係。經過一段時間之後,高考之後他開始約我去書展之類,同一大堆人去,後來又透露他想同我一齊,一齊的意思係一齊過世而非拍拖之類,我覺得好感動,然後同他確定男女朋友的關係。

但係,我哋的第一次約會,他就上了我,我所保留咗19年的貞操話無就無咗,唔同的係,之後,他唔會點穩(搵)我,都係我穩(搵)他,然後他每次都好忙咁樣,然後打斷一切。

當然有時候他會主動穩(搵)我約我出去,不過都係先講去邊度邊度,然後再帶我去其他隱秘的地方,仲係唔可以俾人見到我,然後做愛,就連我來M的時候他都唔肯停手。

喺朋友面前,他從來都表現得出我哋只係普通朋友,亦從來唔比我去見任何同他有關係的任何人,而且從來都唔提起,有時候仲會失蹤好幾個月,問他嘢,他就當無見到,唔回覆或者直接下線。

從來都係喺遊戲狀態當中,或者好鍾意幫人哋的女朋友做事,做電燈泡。

我曾經講過︰「我唔知道我自己究竟係你的甚麼,我就好似你的後備,需要的時候叫出來安慰下,唔需要的時候就當乜事都無。」他的回答係︰「我想同你過世,我好忙,請你理解,我相信你明白我吧。」

我真係唔知道應該點做,我的外貌似已經一點一點被磨滅了。請幫我分析!thanks.

Milly

Milly:

請用吓腦好嗎?一個男人想同你一齊過世但唔會點搵你,搵親你都係同你上床?仲連你M嚟都唔肯停手?

係呀,佢係想同你過世,但只係想當你係公廁當一世,想當你係吹氣Mary 當一世,但唔係佢一世既戀愛對象,唔係佢一世珍惜深愛的另一半,更加唔可能係專一既伴侶囉。

犯賤無底線,人蠢冇藥醫。如果你要怪對方點解咁衰既事都做得出,不如先問自己點解咁豬,豬到連呢啲咁寶藥黨式既白痴大話都信?佢一方面繼續當你洩慾工具,另一方面把口繼續呃住你敷衍住你,你又願意繼續相信,自己呃住自己?點解連咁簡單既騙案都唔願意承認,仲要其他人同你分析?你阿媽生到你咁大個,你真係連咁簡單既分析能力都冇?

如果你今年只得十幾歲,我會原諒你既過度單純同愚蠢,但如果你已經年過二十,我諗,你真係應該急起直追,等你既心智年齡真係追得番你實際年齡,否則,你就算離開呢個賤男人,都會有其他賤男人等住呃你蝦條,當你公廁,因為,你根本冇成長過,根本冇汲取過教訓。

祝  聽得明我講緊咩

貽興