分手要狠 – 覆琳琳

貽興:

我係你的讀者,很喜歡看你的書,有些感情問題想問下你意見。
 
我同佢係不同部門的同事,兩年前我剛入這間公司,因部門唔夠位而坐喺佢隔離。我同佢開始傾計,覺得佢為人幾搞笑又細心,不過因為佢部門主管唔鍾意我地傾太多計,我哋開始用internal email 溝通。
 
幾個月後我又再調位,但那位置既不是同部門一齊坐,又很隔離。我覺得好孤獨,每日過得最開心就係同佢email 傾計,我哋有無盡的話題,間唔中lunch 亦會一齊食,我生日佢會花心思為我慶祝。

佢對我很細心,亦好識氹我,我覺得佢係喜歡我,我亦很享受呢段曖昧的甜蜜時刻。同事們經常取笑我哋的關係,我堅稱我哋係傾得埋的好朋友,至少當時的關係的確係咁。
 
我哋曖昧了半年,終於佢向我表白了,當晚我哋就一齊了。回到公司,我哋都覺得公司太多事非,不公開關係好d,反正同事們都習慣取笑我哋。
 
同佢一齊頭幾個月係最開心最甜蜜的日子,佢經常喺我耳邊講「我愛你」 ,有時望著佢的眼神,亦感覺到佢真的很愛我。
 
但甜蜜過後,我開始感覺到佢的霸道。佢不喜歡我同其他男同事說笑,有一次只係部門同事食飯聯誼(幾個同事有男有女)佢亦唔鍾意,佢又會睇我同其他男仔whatsapp 傾咗d 咩,問點解會傾得咁開心,以後唔可以咁樣,呢d都令我對佢開始不滿。
 
另外,佢亦霸晒我所有私人時間。我哋喺同一間公司做嘢,已經每日都見,lunch 同放工都一齊,平時亦都會約會,但其餘時間佢都要我陪佢,老實講除了佢,我亦有工作、家人、朋友、要讀書(讀緊part-time degree)做report,我亦想做下自己嘢,如煲劇、做facial 等,但喺佢眼中都覺得陪佢先係最緊要。
 
我哋開始成日為呢d事鬧交,佢一不滿就話要放棄呢段感情,離開呢間公司,我覺得佢咁樣都係因為愛我,所以最後都係我要氹返佢。
 
其實早喺我哋未一齊之前,佢都有講過係呢間公司發展有限,加上上司不重用佢, 都覺得有d 灰心。我哋之後,佢話一直唔捨得我所以遲遲未轉工。

我開始諗如果佢轉咗工,我哋的空間多咗,可能會更珍惜對方,而且對佢前途都好d。喺一次鬧交,我固(故)意唔理佢,佢就真係遞咗辭職信,當時我心情好矛盾,我唔捨得佢,但又覺得係好事,冷靜過後佢亦覺得轉工對大家都有好處。

離職後冇幾耐佢搵咗份新工,佢好鍾意而家呢間公司,同而家做緊的工作,覺得幾有發揮。我哋雖然見面少咗,但一齊的時候我哋都好開心,佢工作亦忙,冇以前咁多時間,我覺得咁樣相處都唔錯。
 
之後佢同時接了3 個project,每日都好忙,我哋好少傾電話,只係whatsapp 溝通,但都係幾句就完。我哋愈來愈少見,平日放工後佢話係要返屋企繼續做嘢,放假又話要休息。我開始覺得佢冇以前咁重視我、著緊我,我對佢撒嬌,話佢冇時間陪我,之後佢搬出我以前同佢講要多d私人空間,話大家生活圈子唔同咗,就要適應下。我知道佢忙,我亦會體諒,但有時我真係覺得佢對我冷淡了很多,係由心感受到出來。
 
佢對我的態度愈來愈敷衍,佢whatsapp 我只係為咗承諾佢搵過我,內容只係那些︰現在出門返工了、剛回到家好累,之類的,我再傾多幾句,佢就不理我了。我每次同佢傾呢個問題,佢都係迴避同敷衍,佢的意思就好似話我知︰我而家係咁樣的了,你接受到就一齊,接受唔到就分開。
 
我同佢的關係處於長期冷戰狀態,我想放棄,但又唔捨得佢,我仍然愛佢的。有時我唯有相信佢真係咁忙,但心裡面又有100 個問號,以前那個咁愛我、關心我的佢點解會變成咁?因為環境轉變嗎?新公司有更吸引的女仔嗎?佢對我已經生厭嗎?
 
在情人節那天,我好希望佢會有d表示,但佢那天冇約我,只係10點幾whatsapp 問我食咗d咩,我冇理佢,過了5 日佢send 咗一幅玫瑰花的圖給我,我忍唔住同佢吵一場,佢又係用忙來做籍(藉)口,但我真係唔可以接受佢忙到只send一幅圖都要等5日,最後忍唔住逼佢答我愛定唔愛,一齊定分開。

佢答我想分開,那一刻我呆咗,我一直覺得佢冇以前咁愛我,佢用忙來做籍(藉)口,至少對我有留戀唔想分開。
 
我好後悔逼佢答我,我想挽留佢,同佢講當我冇問過,佢亦冇答過我,等佢有時間先搵我,我唔會有怨言,但佢話講咗就係講咗,冇得返轉頭,最多只可以做返朋友。為咗唔想同佢失去聯絡,我只有接受。
 
最初一星期我的確接受唔到同佢分開,佢只係肯同我食一餐飯(好早之前book 咗的)。我想同佢去多一個哋方佢都唔肯,餐飯佢亦食得好唔自在,對我好避忌。我明白身分唔同咗,我亦唔想搵佢太多,反而之後係佢每隔一兩日就會搵我,講d無聊嘢,我遲咗應佢佢就問我做緊d咩,又會提我落雨帶傘,我唔知係咩心態。
 
分開已經個多月,我對佢仍然有留戀,但已經放開好多了,不過這樣的朋友關係我唔知應唔應該繼續,我怕我收拾好的心情又比佢打破。究竟佢想點呢?
 
琳琳

琳琳:

有些事情根本無從後悔。當初去得那麼盡,死要把對方迫到死角,誓要問到自己想聽的答案為止,玩大了,無從收科,就只好默然承受這後果。

只是我認為你也根本不必後悔。他其實並沒有很投入這段感情,從頭到尾也只是你太在意,你太重視,才讓對方如此沉重,最後受不了逃跑而已。

如果一個男人真的很愛你,他才不會如此不在乎你,態度敷衍,連上洗手間吃飯的時間都沒有給你一個電話,沒有讓你感覺甜蜜安心。如果你的男朋友不是每秒鐘幾千萬上落的那種男人,他的忙也不過還好,忙只是他的藉口,逃避跟你見面,我就不相信如果林志玲或者舒淇找他,他會用忙做藉口不回電不理她們。

是的,你不必忍受他的敷衍冷淡,不該等他一幅圖也等五天,所以你的離開是正確的,既已下了正確決定,那就不要留戀,不要因為失去了才不捨,搬石頭砸自己的腳。這樣的男人失去了沒什麼值得可惜,他的關心不過是為了讓自己良心好過,只是朋友式的噓寒問暖,不要多心,也不必貪心,這樣的慰問,誰都可以,不一定要從他身上乞求。

別再演自憐自傷的偶像劇拖拖拉拉戲碼了,做個決絕一點的女人,要狠,不愛你的你就別再愛了,狠心一點,對你,對他,也是好事。

祝  狠心

貽興