一廂情願不是愛,只是執著 – 覆Kit

我同佢係上年7 月返醫院嘅part time 識嘅,佢大過我兩年。

有一次我幫人問佢拎電話號碼,於是我哋就交換咗電話。由嗰日開始,我哋放工後都會不斷傳訊息。我哋無所不談,佢仲教咗我好多人生道理,佢話我好單純,好驚我出到依個社會會遇到壞人。之後佢話想要個妹,我就認咗佢個(做)契哥(佢本身已經有一個契妹)。

我哋一日比一日親蜜,同佢出街我會撓佢手,佢仲會偷錫我臉。同佢一齊嘅時候真係好開心,佢對我亦好溫柔。有日,佢突然問我可唔可以做佢女朋友,但其實我一直都有男朋友,佢都知道。我拒絕咗佢,當時我只係想做佢個妹,唔係女朋友。但時間愈奈(耐),我就發現我自己真係中(鍾)意咗佢。

於是我同咗我男朋友講分手(8 月)。佢知道咗之後,過咗幾日,佢又再次向我提出,問我可唔可以做佢女朋友(訊息)。我冇拒絕佢,但我話,我想佢當面親口同我講。

當晚,我滿懷希望,諗住佢下一次見面就會親口同我講。點知,就係當晚,佢原來同咗第二個傳訊息,內容大約係話(事後佢自己同我講),佢比人拒絕咗,好唔開心,20歲人都未拍過拖,好想試下。於是,個女仔就同咗佢一齊了。

我問佢咩意思,佢就話,其實佢中(鍾)意咗個女仔4個月,佢話佢兩個都中(鍾)意,不過中(鍾)意嗰個女仔多d,只係因為以為個女仔唔中(鍾)意佢,所以先一直冇開口同個女仔講。

我嗰刻成個人真係崩潰,佢話想我繼續留低做佢個妹,我同自己講,算啦,放棄啦,但都仲係成日會忍唔住同佢傳訊息。我仲好賤格咁同佢講,我唔介意做佢第二個女朋友,但佢拒絕咗我。

已經過咗半年,但每每諗起佢,心都會好痛。成日喺到諗,如果當初我一口答應咗佢,咁同緊佢一齊嘅人就會係我。我同自己講,可能佢同佢女朋友分咗手之後,會搵返我呢。成日喺到諗,應該點對佢,先可以令佢對我有興趣,但另一方面又會諗,我唔差,唔通我要做人後補?

,我知你會叫我放棄佢,但我真係好想可以等到佢,有咩方法可以等到佢後令佢搵返我?依家我同佢冇再喺嗰間醫院返工,但佢間唔中都會傳問候嘅訊息比我。

我唔想放手!

Kit

Kit︰

無錯,我會叫你放手。
 
因為,我覺得最值得的愛情,是兩情相悅的那種,你愛他、他又愛你,這樣,才會真正開心,才有機會長久。
 
而最重要的是,兩情相悅的愛情,能帶給人「成長」。
 
單戀、一廂情願、癡心妄想,帶來的,只是「執著」。
 
當你覺得一個人在堅持是浪漫的愛情,其實,你只是在實行執著。
 
在兩情相悅的愛情中,你能學到的包括:互相支持、真正接納、甘苦與共、互相送遞快樂、領會在愛之中的自由、見證大家成長……
 
兩情相悅的愛情的層次很高,你能真正體驗何謂愛,甚至能藉此體驗人生的真諦。
 
一個人的單戀,來來去去,都只是執著。你覺得你好偉大?好堅持?但其實,你在自困自虐。
 
你的這個 case ,更是非走不可。皆因,對方已選擇了別人,更加明言拒絕你。
 
你自把自為決定自己等下去、不放手,只是自私自利、企圖搶走別人的男朋友。
 
你能從這角度去思考嗎?真愛,會希望對方得到他愛的人,會希望對方幸福。
 
如今,他得到他愛的人,他好幸福啊!
 
告訴你吧,你這種不放手、企圖搶走他的行為,並非出於愛,而是出於你的不甘心、以及想得到他。
 
是時候學習「愛」和成長了。第一步,你要做的是放手;第二步,祝福他們幸福快樂;第三步,開放心懷,走出去,讓自己得到兩情相悅的愛情。